Lucas 7:8 - Dios Rimashca Shimicunami

⁸ Ñucapish mandaj churashca cashcamanta, mandangapaj soldadocunatami charini. Maijanta: “Ri” nijpica rinllami, shujtajta: “Shamui” nijpipish shamunllami. Ñucapajta rurajtapish: “Caita rurai” nijpica, chaita ruranllami– nircami.

Mushuj Testamento Diospaj Shimi

⁸ Ñucapish mandajcunata charishcamantaca, paicuna nishcatami caźuni. Shinallataj ñuca mandangapajpish, soldadocunata charinimi. Maijan soldadota: “Ri” nijpica, rinllami, maijanta: “Shamui” nijpipish shamunllami. Maijan servijta: “Caita rurai” nijpipish, chaita ruranllami— nircami.

Lucas 7:8 Iomraidhean Croise

Lucas 7:7

Ñucaca cambajmanca mana ripajllapish cashpami mana ri tucurcani. Ashtahuanpish chaillamanta rimapai, ñucapajta rurajca alliyangallami.

Lucas 7:9

Chaita Jesús uyashpaca, mancharishpami caticujcunapajman tigrarishpaca: –Cashnami nini: Cashna yallitaj crijtaca, Israelpipish manataj japishcanichu– nirca.

Hechos 23:17

Pabloca patsaj soldadocunata mandajcunamanta shujta cayashpami: –Cai huambrataca huaranga soldadocunata mandajpaj ñaupajman pushapai. Paimi imatatajshi huillasha nicun– nirca.

Hechos 23:23

Huaranga soldadocunata mandajca, patsaj soldadocunata mandaj ishquita cayashpami, cashna nishpa mandarca: –Cunan iscun horas tutata Cesareaman rinapaj chaquillahuan purijcunatapish ishqui patsaj soldadocunata, caballopi purijcunatapish canchis chunga soldadocunata, lanzahuan shitajcunatapish ishqui patsaj soldadocunata tandachichij.

Hechos 23:26

“Claudio Lisiasmi, alli nishca can mandaj Felixta allillachu cangui nini.

Hechos 23:31

Chai soldadocunaca paicunata mandashca shinallatajmi Pablotaca chai tutallataj Antipatriscama pusharcacuna.

Hechos 24:23

Shina nishpaca, patsaj soldadocunata mandajtaca, Pablotaca alli cuidangui, ashataca cacharij shina saquingui, pi paita ricuj shamujcunatapish, imata cusha nijcunatapish ama jarcangui nishpami mandarca.

Hechos 25:26

Ñucaca pai imata rurashcata mana alli yachashpami, mandaj Augustomanca imata mana quillcai tucuni. Chaimi tucui caipi cajcunapaj ñaupajman, ashtahuantajca can jatun mandaj Agripapaj ñaupajman canpish tapushpa ima yuyaitapish cujpi mandaj Augustoman quillcashpa cachangapaj pushamuni.

Colosenses 3:22

Amopajta rurajcuna cai pacha cancunapaj amocunata tucuipi cazuichij. Ama paicuna ricucujllapi, alli ricuringaraiculla alli ruraj tucuichijchu. Ashtahuanpish Diosta manchashpa, tucui shunguhuan alli ruraichij.