Lucas 7:6 - Dios Rimashca Shimicunami

⁶ Jesusca paicunahuanmi rirca. Ashtahuanpish huasiman chayagricujpimi, patsaj soldadocunata mandajca paihuan alli apanacuj maijancunata cashna nichun cacharca: –Amito, mana p'iñachisha ninichu. Ñucaca allillapish cajpichu, ñuca huasimanca yaicunguiyari.

Mushuj Testamento Diospaj Shimi

⁶ Chaimantami Jesusca, paicunahuan rirca. Ashtahuanpish huasiman chayanapaj ashalla illajpimi, patsaj soldadocunata mandajca, paipaj alli rijsishca runacunamanta shujcunataca, Jesusta cashna nichun cacharca: —Apu, ¿ñucaca ima allillapish cajpichu ñuca huasimanca shaicuita shamunguiari?

Lucas 7:6 Iomraidhean Croise

GÉNESIS 32:10

¡Tucui caicunata quiquin llaquishpa cuna cashcata mana chasquipaj cajpipish cambajta ruraj ñucamanca cai tucuitami cushcangui! Ñucaca cai Jordán jatun yacutaca tauna caspita aisashcallami ch'imbashpa rircani. Ashtahuanpish cunanca ishqui mirgapi ch'icanyachishca animalcunatapish, runacunatapishmi charini.

PROVERBIOS 29:23

Jatun tucujtaca, chaillataj pingaipi churanllami. Ashtahuanpish mana jatun tucushca runataca, pai alli cashcallatajmi huaquichin.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Marcos 5:24

Chai runahuan Jesús ricujpica, achcacunami llapirinacushpa caticurcacuna.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Lucas 7:4

Paicuna Jesuspajman chayashpaca, patsaj soldadocunata mandaj imata nishcata huillashpami cashna nishpa rogarcacuna: –Paica allita rurajmi, chaimanta paitapish ayudapai.

Lucas 7:5

Paica ñucanchij judiocunata c'uyashpa shuj sinagogatami shayachirca– nircacunami.

Lucas 7:7

Ñucaca cambajmanca mana ripajllapish cashpami mana ri tucurcani. Ashtahuanpish chaillamanta rimapai, ñucapajta rurajca alliyangallami.

Lucas 8:49

Jesús rimacujpirajmi, sinagogapi pushajpaj huasimanta shuj shamushpaca: –Cambaj ushushica ñami huañun. Yachachijtaca ama ashtahuan p'iñachichu, saquilla– nirca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Santiago 4:10

Jatun Diospaj ñaupajpica, ama jatun tucuichijchu. Paimi cancunataca jatunyachinga.

Santiago 4:6

Ashtahuanpish Diosca, mana c'uyaipajta c'uyaj canatami achcata cun. Chaimantami: “Diosca valishca tucujcunataca mana ricunachin. Mana jatun tucujcunamanmi mana c'uyaipajta c'uyaj canata cun” ninmi.