Lucas 7:46 - Dios Rimashca Shimicunami

⁴⁶ Canca ñuca umapipish aceitetahuan mana churarcanguichu. Ashtahuanpish cai huarmica mishquijllata ashnacujtami, ñuca chaquipi churan.

Mushuj Testamento Diospaj Shimi

⁴⁶ Canca, manamari Ñuca umata aceitehuan llihuircanguichu. Ashtahuanpish cai huarmica, Ñuca chaquicunatamari mishquijlla ashnajhuan llihuin.

Lucas 7:46 Iomraidhean Croise

2 SAMUEL 12:20

Chaimi Davidca, pambamanta jatarishpa armashpa mishquijllata ashnacujcunahuan churarishpa, shujtaj churanata churarishpa Mandaj Diospaj huasiman yaicushpa, paita adorarca. Chai q'uipaca paipaj huasiman shamushpa, micunata mañajpi micunata cujpica micurcami.

2 SAMUEL 14:2

Joabca yachaj tucushca shuj huarmita Tecoamanta pushamuchishpami chai huarmitaca: “Huañushcamanta churarinata churarishpa huañushcamanta llaquilla caj shina tucui. Mishquijllata ashnacujhuanpish ama churaringui. Maijan huañushcamanta achca huatacunata llaquilla cashca huarmi shina tucui.

SALMOS 104:15

gentecunapaj shunguta cushichij vinota surcuchun, ñahuita achijnicujta ruraj aceitetapish surcuchun, runaman causaita cuj micunata surcunchunpishmi chashna rurarca.

SALMOS 23:5

Ñucata p'iñajcunapaj ñaupajpimi, jatun micuita allichishpa tiyachircangui. Aceitehuanmi ñuca umapi churarcangui. Ñuca copapipish tallirijtami jundachircangui.

ECLESIASTÉS 9:8

Punllanta yuraj churanata churailla, umapipish mishquijllata ashnaj jambitaca ama illachinguichu.

DANIEL 10:3

Ima sumaj micunatapish mana micurcanichu. Aichatapish, vinotapish shimillapipish mana churarcanichu. Quimsa semanacama, mishquijllata ashnacujhuanpish mana churarircanichu.

AMÓS 6:6

Cancunaca vinotapish jatun tasacunapimi ubyanguichij. Shinallataj cancunapaj aichapica, tucuimanta yalli mishquijllata ashnajcunallatami churaringuichij. Josepaj huahua huahuacuna llaquita apacujtaca, mana yuyaringuichijchu.

MIQUEAS 6:15

Tarpushpapish, mana imata tandanguichu. Olivo granota capishpapish, mana chai aceitehuanca churaringuichu. Uvata capishpapish, vinotaca mana ubyanguichu.

Mateo 6:17

Ashtahuanpish can ayunacushpaca ñahuita maillashpa, umapipish aceiteta churarishpa allichiringui.

Lucas 7:47

Chaimantami cantaca cashna nini: Paipaj achca juchacunata perdonashcata yachashpami, cai huarmica ñucataca achcata c'uyan. Ashalla juchacunata perdonashcacunaca ashallatami c'uyan– nirca.

RUT 3:3

Canca armashpa, mishquijllata ashnacujta churarishpa, cambaj sumaj churanacunatapish churarishpa pai huairachicunman ri. Chaiman chayashpaca Booz tucui micungacama, tucui ubyangacamaca ama paipi ricurishpa shuyanguilla.