Lucas 7:44 - Dios Rimashca Shimicunami

⁴⁴ Chai huarmita ricushpami Simontaca: –¿Cai huarmi imata rurajta ricunguichu? Cambaj huasiman yaicumujpica, ñuca chaquita maillachun yacuta mana curcanguichu. Ashtahuanpish cai huarmica, ñuca chaquita huiquihuan maillashpami paipaj ajchahuan chaquichirca.

Mushuj Testamento Diospaj Shimi

⁴⁴ Chaimantaca, chai huarmita tigralla ricushpami, Simontaca cashna nirca: —¿Cai huarmi imata rurashcata ricunguichu? Canca cambaj huasiman Ñuca yaicumujpica, chaquita maillachun yacuta mana curcanguichu. Ashtahuanpish cai huarmica paipaj huiquihuanmari Ñuca chaquita maillashpa, ajchahuan chaquichin.

Lucas 7:44 Iomraidhean Croise

GÉNESIS 18:4

Cancunapaj chaquicunata maillachun asha yacuta apamuchisha. Chai q'uipaca cai yura ucupi samaringuichijllami.

GÉNESIS 19:2

cashna nirca: –Ñuca amitocunalla, cunan tutaca cancunapajta rurajpaj huasiman shamushpa chaipi samarichunmi rogapani. Cancunapaj chaquicunatapish chaipi maillanguichijllami. Cayaca utcata jatarishpa, cancuna maiman ricushca ñanllatataj ringuichijllami– nirca. Shina nijpimi paicunaca: –Chaitaca mana rurai tucunchijchu. Cunan tutaca, cai ñanllapimi pacarishun– nirca.

GÉNESIS 43:24

Chai q'uipaca tucuicunata Josepaj huasiman pushashpa yacuta cujpimi, paicunapaj chaquicunata maillarcacuna. Paicunapaj burrocunamanpish cararcami.

2 SAMUEL 11:8

Chai q'uipami Davidca Uriastaca: “Cambaj huasiman rishpa chaquicunata maillagri” nirca. Jatun mandajpaj huasimanta Urías llujshishpa rigrijpica, jatun mandaj micuna sumaj micunatami convidashpa cacharca.

Lucas 7:38

Paica Jesuspaj huasha ladota shamushpami paipaj chaquiman cumurishpa achcata huacashpa chaquipi huiquita shutuchi callarirca. Chaitaca paipaj ajchahuan chaquichishpami, chaquita muchashpa pai apashca mishquijllata ashnacujtapish Jesuspaj chaquipi tallirca.

Lucas 7:43

Chaimi Simón fariseoca: –Maijantami yalli debita perdonarca, chaimi yalli c'uyanga yuyanimi– nijpi Jesusca: –Allitamari ningui– nirca.

Juan 13:5

Chai q'uipaca shuj bateapi yacuta churashpami, yachacujcunapaj chaquicunata maillai callarirca. Chumbillishca linsohuanca chaquicunatami chaquichirca.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

Santiago 2:6

Ashtahuanpish cancunaca, huajchacunatami pingachishcanguichij. ¿Manachu charijcunaca cancunata llaquichincuna? ¿Manachu paicunallataj cancunataca mandajcunapajman sirijta aisancuna?

JUECES 19:21

Paipaj huasiman pushashpami, yuyaj runaca chai runapaj burrocunaman cararca. Paicunapaj chaquicunatapish maillarcami. Micurcacunami ubyarcacunami.

1 SAMUEL 25:41

Chaimi Abigailca, jatarishpa cungurishpa pambaman tupajta cumurishpaca: –Cambajta ruraj ñucaca caipimi cani. Pai munajpica, ñuca amitopajta rurajcunapaj chaquita maillashpallapish, paipajta ruraj tucushapishchari– nirca.