Lucas 7:38 - Dios Rimashca Shimicunami

³⁸ Paica Jesuspaj huasha ladota shamushpami paipaj chaquiman cumurishpa achcata huacashpa chaquipi huiquita shutuchi callarirca. Chaitaca paipaj ajchahuan chaquichishpami, chaquita muchashpa pai apashca mishquijllata ashnacujtapish Jesuspaj chaquipi tallirca.

Mushuj Testamento Diospaj Shimi

³⁸ Paica, Jesuspaj huashanijta chaquiman cʼuchuyashpami, achcata huacashpa, huiquihuan chaquita shutujyachirca. Chaimantaca paipaj ajchahuan chaquichishpami, chaquicunata muchashpa, mishquijllata ashnacujhuan chaquipi llihuirca.

Lucas 7:38 Iomraidhean Croise

GÉNESIS 18:4

Cancunapaj chaquicunata maillachun asha yacuta apamuchisha. Chai q'uipaca cai yura ucupi samaringuichijllami.

ESDRAS 10:1

Diospaj huasi ñaupajpi cungurishpa, huacashpa tucuicunapaj juchata Diosman huillashpa Esdras mañacujpica, yallitaj achca israelcunami paipaj muyundijta tandanacurcacuna. Chaipica c'aricunapish, huarmicunapish, huahuacunapish tucuicunami yallitaj huacarcacuna.

SALMOS 38:18

Chaimanta cunanca millaita ñuca rurashcataca quiquinmanmi huillasha. Juchallishcamantaca llaquirishami.

SALMOS 51:17

Taita Diosman animalta cushpa rupachina shinaca, shungu p'aquirishca paiman c'uchuyanami. Taita Dioslla, shungu llaquirishca, mana jatun tucushca quiquinpajman c'uchuyajpica mana yanganchinguichu.

ECLESIASTÉS 9:8

Punllanta yuraj churanata churailla, umapipish mishquijllata ashnaj jambitaca ama illachinguichu.

CANTARES 1:3

Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

ISAÍAS 57:9

Mishquijllata ashnacuj jambicunahuanmi jatun mandajpajmanca rircangui. Mishquijllata ashnaj jambicunataca mirachircanguimi. Cambaj randi rimajcunatapish caruman cachashpami, Seol ucujman cacharcangui.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

JEREMÍAS 31:9

Caimantaca huacashpami, llujshishpa ringacuna. Shina cajpipish, ñucaca jatun c'uyaihuanmi tigrachimusha. Sumaj yacu tiyan pugrucunatami purichisha. Ima ñitcarina illaj sumaj ñanpimi churasha. Ñucamari israelcunapajca yaya cani, Efrainca ñuca punta churimari” ninmi.

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Mateo 5:4

Huacajcunaca cushichishcami. Paicunami cushicuita chasquingacuna.

Lucas 22:62

Chaimantami Pedroca, canllaman llujshishpa jatunta llaquirishpa huacarca.

Lucas 6:21

Cunan yaricaihuan cajcunaca, cushichishcami canguichij. Mana nijtami micunguichij. Cunan huacacujcunaca, cushichishcami canguichij, yallitajmi asinguichij.

Lucas 7:37

Chai pueblopica juchasapa shuj huarmimi causarca. Paica fariseopaj huasipi Jesús micucujta yachashpami, alabastro botellapi mishquijllata ashnacujta apashpa shamurca.

Lucas 7:39

Chaita ricushpami micunaman cayaj fariseoca paipaj yuyaipica: “Caica profetataj cashpaca, chai huarmi pi cashcata, ima shina huarmi paipaj chaquipi tuparicujtaca yachanmanmi. Chai huarmica juchasapamari” niricurcami.

Juan 11:2

(Chai ungushca Lazaropaj pani Mariami Mandaj Jesustaca mishquijllata ashnacujhuan chaquipi tallishpa paipaj ajchahuan chaquichirca).

Santiago 4:9

Llaquirichij, aij nichij, huacaichij. Asinapaj randica, huacaichij. Cushicunapaj randica, llaquirichij.