Lucas 7:34 - Dios Rimashca Shimicunami

³⁴ Runa Aichayuj tucushpa shamujca micujmi, ubyajmi. Chai runaca: “Achcata micujmi, vinotapish ubyajmi, impuestota japijcunahuan, juchayujcunahuanpish tandanacunllami” ninguichijmi.

Mushuj Testamento Diospaj Shimi

³⁴ Cutin Runa Aichayuj Ñuca shamushpaca, micuni, vinotapish ubyanimi. Chaimantami Ñucataca: “Riquichij, cai runaca yallitaj micuj, vinotapish yallitaj ubyajmari. Apanacunatapish juchayujcunahuan, impuestota japijcunahuanmi apanacun” nincunami.

Lucas 7:34 Iomraidhean Croise

Mateo 11:19

Runa Aichayuj tucushpa shamujca micujmi, ubyajmi. Chaimanta chai runaca: “Achcata micujmi, vinotapish ubyajmi, impuestota japijcunahuan, juchayujcunahuanpish tandanacunllami” nincunami. Chashna nijpipish Taita Dios yachaj cashcataca Taita Diospaj huahuacunallami allimi nincuna– nircami.

Mateo 5:46

Cancunata c'uyajcunallata c'uyashpaca, cancuna japina cashcataca imata mana japinguichijchu. ¿Manachu impuestota japijcunapish paicunata c'uyajcunataca c'uyancuna?

Mateo 9:11

Chaita fariseocuna ricushpami, Jesuspaj yachacujcunataca: –¿Ima nishpataj cancunata Yachachijca impuestota japijcunahuan, juchayujcunahuan micucunchu imamí?– nircacuna.

Lucas 11:37

Jesús tucui parlashca q'uipami shuj fariseo runaca paipaj huasipi micunaman jacupai nijpi, Jesusca chaiman rishpa huasiman yaicushpa micungapaj tiyarirca.

Lucas 14:1

Jesusca samana punllapimi, fariseocunata pushaj fariseopaj huasipi micugrirca. Chaipi micucujpica, shujtaj fariseocunaca Jesusta imapi juchachingapaj nishpami chaparacurcacuna.

Lucas 15:2

Chaita ricushpami fariseocunapish, mandashcacunata quillcajcunapish huashalla parlanacushpaca: –Caica juchayujcunahuan tandanacushpa paicunahuan micunllamari– ninacucujpimi,

Lucas 19:7

Chaita ricushpaca, juchayuj runapaj huasipimari pozanaman yaicun nishpami, tucuicuna juchachicurcacuna.

Lucas 5:29

Levica paipaj huasipi Jesusta chasquishpami jatun micuita rurarca. Chaipica, tributota japij achcacunapish, shujtajcunapishmi paicunahuan mezapi micucurcacuna.

Lucas 7:33

Bautizaj Juan shamushpaca, mana micuj, vinota mana ubyajmi carca. Paitaca: “Supaitami charin” ninguichijmi.

Lucas 7:35

Ashtahuanpish Taita Dios yachaj cashcataca paipaj huahuacunallami alli nincuna– nircami.

Lucas 7:36

Chai q'uipami fariseocunapuramanta shuj runaca, ñuca huasipi jacu micushun nishpa rogajpi Jesús rishpaca micungapaj tiyarirca.

Juan 12:2

Jesús chaiman rijpica sumaj micuitami rurarcacuna. Martaca caracurcami. Jesushuan mezapi micucujcunapurapica, shujca Lazaromi carca.

Juan 2:2

Jesuspish, paipaj yachacujcunapish cayashca cashpami chaiman rircacuna.