Lucas 7:29 - Dios Rimashca Shimicunami

²⁹ Tucui chaipi cajcunapish, impuestota japijcunapish Juan bautizashca cashcamantami Jesús chashna nijta uyashpaca: “Taita Diosca allitamari rurashca” nircacuna.

Mushuj Testamento Diospaj Shimi

²⁹ Jesús chashna nijta uyajcunaca, impuestota japijcunacama tucuicunami, Taita Diosca allita huillanaman cachashcata ricurcacuna. Chaimantami Juan bautiźacujpica, bautiźarircacuna.

Lucas 7:29 Iomraidhean Croise

SALMOS 51:4

Quiquintaca p'iñachishcanimari. Juchallishpaca p'iñachishcanimari. Quiquinpaj ñaupajpica millaitamari rurashcani. Chaimanta rimashpaca rimana cajllapitajmi rimashcangui. Manapish rimana cajpica mana rimashcanguichu.

Mateo 5:46

Cancunata c'uyajcunallata c'uyashpaca, cancuna japina cashcataca imata mana japinguichijchu. ¿Manachu impuestota japijcunapish paicunata c'uyajcunataca c'uyancuna?

Lucas 20:6

“Runacunallami Juantaca cacharca” nijpipish tucuicuna Juantaca Taita Dios cachashca profeta cashcata yachashcamantaca ñucanchijtarajmi rumicunahuan shitangacuna– ninacushpami,

Lucas 3:12

Impuestota japijcunapish bautizarishun nishpa shamushpaca: –Yachachij, ñucanchijca ¿imatataj rurashun?– nircacuna.

Lucas 7:28

Cancunaman huillanimi: Cai pachapi huacharishcacunapurapica, bautizaj Juanta yalli allica pi mana tiyashcachu. Shina cajpipish cai pachapi imapish mana cajcunami Taita Dios mandacujpica, bautizaj Juanta yalli cangacuna– nircami.

Lucas 7:35

Ashtahuanpish Taita Dios yachaj cashcataca paipaj huahuacunallami alli nincuna– nircami.

Hechos 18:25

Paica, Jatun Dios munashca shina causanatapish alli yachachishcami carca. Chashna cashpami Juan bautizashcallata yachashpapish, tucui shunguhuan Mandaj Jesusmanta alli huillashpa yachachirca.

Hechos 19:3

Chaimi Pabloca: –¿Ima bautizmopitaj bautizashca canguichij?– nijpi, paicunaca: –Juanpaj bautismollapimi bautizarircanchij– nircacuna.

Romanos 10:3

Paicuna munashca shinapi justificashca cashun nishpami, Dios justificashca canataca mana yachashun nircacuna. Chashnami Dios justificashca canataca mana cazurcacuna.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 16:5

Chai q'uipaca yacucunata mandaj ángel, cashna nicujtami uyarcani: “Jatun Dios, canca imatapish cashcata ruraj cashpami cashcata rurashpa cashna llaquichishcangui. Canca jucha illaj Diosmi cangui, cunanpish, sarunpish canllatajmi cangui.

JUECES 1:7

Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.