Lucas 7:27 - Dios Rimashca Shimicunami

²⁷ Bautizaj Juanmantaca, cashna quillcashcami tiyacun: “Ñuca ima nishcata huillajtaca cambaj ñaupami cachani. Paimi cambaj ñaupa rishpa, can purina ñanta allichinga” nishcami.

Mushuj Testamento Diospaj Shimi

²⁷ Paimantami Dios Quillcachishcapica: “Ñuca huillajtami Cambaj ñaupa cachani. Paimi Can purina ñantaca, ñaupashpa allichinga” ninmi.

Lucas 7:27 Iomraidhean Croise

ISAÍAS 40:3

Shitashca pambapi caparijca: “¡Mandaj Diospaj ñanta allichichij. Shitashca pambacunataca ñucanchij Taita Diospaj llambujlla ñanta ruraichij!

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Mateo 11:10

Juanmantaca, cashna quillcachishcami tiyacun: “Ñuca ima nishcata huillajtaca cambaj ñaupami cachani. Paimi cambaj ñaupa rishpa, can purina ñanta allichinga” nishcami.

Marcos 1:2

Profeta Isaías quillcashcapi nishca shinallatajmi: “Ñuca huillajtami canta ñaupachishpa cachani. Paimi can purina ñantaca ñaupashpa allichinga.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Lucas 7:26

Shina cajpica ¿imata ricungapajtaj llujshircanguichij? ¿Shuj profetata? Ari, cashnami nini: Paica profetatapish yallimari.

Lucas 7:28

Cancunaman huillanimi: Cai pachapi huacharishcacunapurapica, bautizaj Juanta yalli allica pi mana tiyashcachu. Shina cajpipish cai pachapi imapish mana cajcunami Taita Dios mandacujpica, bautizaj Juanta yalli cangacuna– nircami.

Juan 1:23

Chaimi Juanca: –Profeta Isaiasca shitashca pambapica: “Jatun Diospaj shamuna ñanta allichichij nishpami shuj runa caparicun” nishcami. Ñucaca chaimari cani– nircami.