Lucas 7:22 - Dios Rimashca Shimicunami

²² Chaimi Jesusca: –Richij, cancuna imata ricushcata, uyashcata, ñahui mana ricujcuna ricushcata, cojocuna purishcata, leprahuan cajcuna alliyashcata, mana uyajcuna uyashcata, huañushcacuna causarishcata, huajchacunamanpish alli huillaita huillashcata bautizaj Juanmanca huillagrichij.

Mushuj Testamento Diospaj Shimi

²² Chaicunata rurashpami, Jesusca cashna nirca: —Cancuna caipi imalla ricushcata, uyashcata Juanman huillagrichij. Ñahui mana ricujcunami ricucun, suchucunami puricun, leprahuan ungushcacunami alliyan, rinrin mana uyajcunami uyacun, huañushcacunapish causarinmi, huajchacunami alli huillaita uyacun.

Lucas 7:22 Iomraidhean Croise

JOB 29:15

Ñahui mana ricujpajca, ricuj ñahui shinami carcani. Chaqui p'aquirishcapajca, alli chaqui shinami carcani.

SALMOS 146:8

Mandaj Diosca mana ricujcunapaj ñahuita pascajmi. Mandaj Diosca urmashcacunata jatarichijmi. Mandaj Diosca cashcata rurajcunata c'uyajmi.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 43:8

Rinrinyuj cashpapish mana uyaj, ñahuiyuj cashpapish mana ricuj ñuca agllashcacunata pushamuichij.

JEREMÍAS 31:8

Ñucami paicunataca janaj llajtamanta tigrachimusha, tucui cai pacha llajtacunamantami tandachimusha. Ñahui mana ricujcunatapish, patojocunatapish, chichu huarmicunatapish, llullu huahuayujcunatapish tucuicunatamari tandallata caiman tigrachimunga.

SOFONÍAS 3:12

Cai pueblopica imata mana yachajcunata, huajchacunallatami saquisha. Paicunami Mandaj Dios ñucallapi shunguta churangacuna.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 21:14

Diospaj huasipi Jesús cajpimi, mana ricujcunapish, chulla chaqui illajllacunapish paipajman c'uchuyamujpi alliyachirca.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Lucas 7:21

Paicuna chaillapitaj cajpimi, ima ungüihuan caj achcacunata, llaquichij ungüihuan cajcunata, millai espiritucuna japishcacunata, mana ricujcunatapish achcacunata alliyachirca.

Lucas 7:23

Maijanpish ñucapi mana ñitcarijca cushichishcami canga– nircami.

Juan 1:46

Chaimi Natanaelca: –Nazaretpica ¿ima allitaj tiyangari?– nijpi, Felipeca: –¡Jacu ricungui!– nirca.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 8:7

Mapayachij espíritu japishcacunatapish achcacunamantami chai espiritucunata llujshichishpa cacharca. Chai espiritucunaca jatunta caparishpami llujshircacuna. Suchucunatapish, mana puri tucujcunatapish achcacunatami alliyachirca.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.