Lucas 7:16 - Dios Rimashca Shimicunami

¹⁶ Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Mushuj Testamento Diospaj Shimi

¹⁶ Chaita ricushpaca tucuicunami jatunta mancharishpa, Taita Diosta ‘Allimari cangui’ nircacuna. “Ñucanchijpurapica, Dios ima nishcata shuj jatun huillajmari llujshishca. Taita Diosmari Pai agllashcacunata ricuj shamushca” ninacurcacunapishmi.

Lucas 7:16 Iomraidhean Croise

SALMOS 65:9

Allpataca ricuj shamunguimi. Allpapica tamyachinguimi. Yallitaj charijtami rurangui. Taita Dios quiquinpaj jatun yacuhuan, yacucuna jundahuanmi granocunataca p'ucuchingui. Chashnami chagracunataca p'ucuchingui.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

Mateo 15:31

Mana rimajcunapish rimarcami, chulla maqui illajcunapish alliyarcami, chulla chaqui illajcunapish purircami, mana ricujcunapish ricurcacunami. Tucui chaipi cajcunami mancharinacushpa, israelcunapaj Diosta jatunyachircacuna.

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Mateo 28:8

Chai huarmicunaca, jutcumanta llujshishpaca manchaihuan cashpapish, achcata cushicushpami, paipaj yachacujcunaman huillangapaj callpashpa rircacuna.

Mateo 9:8

Chaita ricushpaca, tucuicuna mancharinacushpami, Taita Diosca runacunamanmi cai tucui rurai tucunata cushca nishpa Taita Diostaca jatunyachircacuna.

Lucas 1:65

C'uchullapi causajcunaca yallitajmi mancharircacuna. Tucui chaicunataca, Judea urcucunapi causajcunapish tucuicunami huashan huashan yachaj chayarcacuna.

Lucas 1:68

“Israelcunata Mandaj Taita Diosca allimari. Paipaj cajcunataca quishpichishpa llujshichingapajmi shamushca.

Lucas 19:44

Cai pueblotaca urmachishpa tucui caipi causajcunatapish huañuchingami. Huasi pircacunatapish shuj rumillatapish pircashcata mana saquingachu. Taita Dios ricuj shamujpi mana chasquishcamantami chashna tucunguichij– nircami.

Lucas 2:20

Michijcunaca paicunaman huillashcata uyashca shinallatataj ricushpaca, tucui chaicunamanta Diostaca allimari cangui, sumajmari cangui nishpami tigrarcacuna.

Lucas 24:19

Jesusca: –¿Imataj tucushca?– nishpa tapujpi, paicunaca: –Nazaretmanta caj Jesusmantami parlanacucunchij. Paica Taita Diospaj ñaupajpipish, gentecunapaj ñaupajpipish allita ruraj, allita rimaj, tucuita rurai tucuj profetami carca.

Lucas 5:26

Chaipica tucuicuna mancharinacushpami, Diostaca sumajmari cangui nircacuna. Paicunaca manchaihuan junda cashpami: –Cunanca mancharinacunatamari ricushcanchij– nircacuna.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Lucas 7:15

huañushca jatarishpa rimai callarijpica, chai huambrataca paipaj mamamanmi curca.

Lucas 7:39

Chaita ricushpami micunaman cayaj fariseoca paipaj yuyaipica: “Caica profetataj cashpaca, chai huarmi pi cashcata, ima shina huarmi paipaj chaquipi tuparicujtaca yachanmanmi. Chai huarmica juchasapamari” niricurcami.

Lucas 8:37

Chaita uyashpaca tucui chai muyundij llajtamanta rij gadarenocunami achcata mancharishpa, Jesustaca caimanta ripailla nijpi Jesusca, barcopi yaicushcahuan tigrashpa rirca.

Lucas 9:19

paicunaca: –Shujcunaca, Bautizaj Juanmi. Caishujcunaca, Eliasmi. Maijancunaca ñaupa profetacunapuramanta maijantajshimi causarishca nincunami– nircacuna.

Juan 1:21

Shina nijpi: –Shinashpaca ¿pitaj canguiyari? ¿Eliaschu cangui?– nijpi: –Chaipish mana canichu– nirca. Shina nijpi: –Shinashpaca ¿profetachu cangui?– nijpipish: –Mana– nircami.

Juan 1:25

Paicunaca: –Canca manapish Cristo cashpa, manapish Elías cashpa, Profetapish mana cashpaca ¿ima nishpataj bautizacungui?– nircacunami.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 9:17

Chaimi mana ricuj cashca runataca: –Cambaj ñahuita alliyachij runataca ¿ima cashcatataj yuyangui?– nishpa cutin tapujpica: –Ñucaca paitaca Taita Dios huillachijpi huillaj cashcatami yuyani– nirca.

Hechos 5:5

Pedro chashna nijta uyashcahuan Ananiasca pambaman urmashpa huañurcallami. Chashna tucushcata uyajcunapish tucuicunami achcata mancharircacuna.

Hechos 7:37

Chai Moisesmi israelcunataca: “Cancunata Mandaj Taita Diosca ñucata cachashca shinallatajmi, cancunapuramanta shuj profetata cachanga. Pai ima nishcata cazunguichij” nircami.

Gálatas 1:24

Chaimi ñucamantaca, Diosta jatunyachircacuna.

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.