Lucas 6:8 - Dios Rimashca Shimicunami

⁸ Ashtahuanpish Jesusca, paicuna cashna yuyacujta yachashpami, chaquishca maquiyuj runataca: –Jatari, caicunapaj chaupipi shayari– nijpica, jatarishcahuan shayarirca.

Mushuj Testamento Diospaj Shimi

⁸ Ashtahuanpish Jesusca, paicuna yuyacushcata yachashpami, chaquishca maquiyuj runataca: —Jatari, cai chaupipi shayari— nirca. Shina nijpica, chai runaca shayarircallami.

Lucas 6:8 Iomraidhean Croise

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

JOB 42:2

“Ñucaca cantaca tucuita rurai tucuj cashcatami yachani. Cambaj yuyaimantaca imapish mana pacalla cai tucunchu.

SALMOS 44:21

Taita Diosca ¿maitataj mana yachanman carcari? Paica shungupi pacalla cajcunatapish yachanmi.

ISAÍAS 42:4

Cai pachapi cashcata rurana callaringacama mana shaicuringachu mana urmaringachu. Mama cucha c'uchupi caj llajtacunapi causajcunapish, paipaj yachachinatami shuyangacuna.

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Marcos 3:3

Chaquishca maquiyuj runataca Jesusca: –Jatari, caicunapaj chaupipi shayari– nircami.

Lucas 13:12

Paita Jesús ricushpa cayashpaca: –Huarmi, cambaj ungüimantaca ñami cacharichishca cangui– nishpa,

Lucas 5:22

Chaita yuyacujta yachashpami, Jesusca: –¿Ima nishpataj cancunapaj shungupica chashna yuyacunguichij?

Lucas 6:9

Chaimi Jesusca: –Cancunataca caita tapusha: Samana punllapica ¿allita ruranachu, mana cashpaca mana allita ruranachu, huañuimanta quishpichinachu, mana cashpaca huañuchinachu, imata ruranataj alli canga?– nirca.

Juan 2:25

Chai gentecunapaj shungu ima shina cashcataca pi mana huillajpipish Jesusca yacharcallami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 9:4

Ñucata cachaj Yaya imallata rurai nishcataca punllaraj cajpimi, rurana cani. Ña tutayajpica pi mana imata rurai tucunchu.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 26:26

Pai jatun mandaj Agripapish chai tucui imalla tucushcataca allimi yachan. Mai pacallapi mana chashna tucushcachu. Chaimantami ñucaca paipaj ñaupajpi imata mana manchashpa huillacuni.

Filipenses 1:28

Jarcajcuna manchachichunca, ama saquinguichijchu. Chashna rurashpaca, paicuna chingarinaman ricushcata, cancunaca quishpichishca cashcatami ricuchicunguichij. Chaica Diosmantami shamun.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

1 Pedro 4:1

Cristoca ñucanchijmantami paipaj aichapi llaquita aparca. Cancunapish llaquita apana yuyailla allichirichij. Maijanpish aichapi llaquita apajca, juchamantami tucui anchurishca.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.