Lucas 6:6 - Dios Rimashca Shimicunami

⁶ Chai q'uipapish samana punllallapitajmi Jesusca sinagogaman yaicushpa yachachirca. Chaipica alli lado maqui chaquishca shuj runami tiyacurca.

Mushuj Testamento Diospaj Shimi

⁶ Shujtaj sabadopica cashnami tucurca: Tandanacuna huasiman yaicushpami, Jesusca yachachicurca. Chai ucupica, alli lado maqui chaquishca runami tiyacurca.

Lucas 6:6 Iomraidhean Croise

1 REYES 13:4

Jatun mandaj Jeroboamca Taita Diospaj runa Bet-elpi caj altarta p'iñashpa caparishcata uyashpami, chai altarmanta maquita chutashpaca: “¡Chai runata japichij!” nirca. Chutashca maquica chaquishca saquirijpimi, ña mana tandai tucurca.

ZACARÍAS 11:17

Canlla ovejata chingachij michijlla ¡aij imachari tucunga! Paipaj rigratapish, alli lado ñahuipish espada chugrichishca cachun. Paipaj rigraca tucuimi chaquiringa, alli lado ñahui lulunpish imata mana ricujmi saquiringa” nircami.

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Lucas 13:10

Samana punllapimi, Jesusca sinagogapi yachachicurca.

Lucas 14:3

Chaipimi Jesusca, mandashcacuna ima nisha nishcata yachachijcunata, fariseocunatapish: –¿Samana punllapica ungushcataca alliyachinachu, manachu alliyachina?– nishpa tapurca.

Lucas 4:16

Chai q'uipami Jesusca pai huiñashca Nazaretman rirca. Samana punllapica sinagogaman rij cashca shinallataj rishpami chaiman yaicurca. Chaipica Quillcachishcata rezangapajmi shayarirca.

Lucas 4:31

Chai q'uipaca Galileapi caj Capernaum pueblomanmi Jesusca uriyarca. Chaipica samana punllacunapimi yachachicurca.

Lucas 6:1

Samana punllapimi Jesusca chagra chaupita ricurca. Chaipimi paipaj yachacujcunaca trigo caspata c'utsashpa, maquihuan c'acushpa micurcacuna.

Lucas 6:5

Shinallataj: –Runa Aichayujca, samana punllatapish Mandajmi– nircami.

Juan 5:3

Chai corredorcunapica achca ungushcacunami mana ricujcuna, cojocuna, mana cuyurijcunapish yacu cuyurijta shuyacurcacuna.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.