Lucas 6:45 - Dios Rimashca Shimicunami

⁴⁵ Alli runaca, sumaj yuyaicunata shungupi huaquichishca cashpami allita riman. Millai runaca, millai yuyaicunata shungupi huaquichishca cashpami millaita riman. Shungupi imami junda tiyan chaillatajmi shimimanca llujshin.

Mushuj Testamento Diospaj Shimi

⁴⁵ Shinallataj alli runaca, paipaj shungupi alli yuyai tiyashcamantami allillata riman. Ashtahuanpish millai runaca, paipaj shungupi millai yuyaicuna tiyashcamanta, millaillatami riman. Shimica, shungupi ima tiyacujtami riman.

Lucas 6:45 Iomraidhean Croise

SALMOS 140:5

Jatun tucushcacunaca urmachingapajmari linchitapish, huascatapish ñuca ñanpi churashcacuna. Ñuca ñan c'uchupimari tsagnarishpa urmana huascata churashcacuna. Selah

SALMOS 59:12

Paicunapaj shimihuan rimashpa juchallishcamantaca paicunapaj jatun tucushcapi prezu cachun. Llaqui tucushca canman nij cashcamanta, llullanallata munashcamanta chashna tucuchun.

SALMOS 59:7

Paicunapaj shimicunapica espadacunami tiyan. Chaitaca paicunapaj shimillahuantaj huillashpami: “Pi mana uyangachu” nincuna.

PROVERBIOS 12:18

Maijancunaca imata rimashpapish, espadahuan chugrichishca shinami saquincuna. Ashtahuanpish yachaisapacunaca sumaj shimicunahuan jambincunami.

PROVERBIOS 15:23

Alli yuyaicunata cuj runaca, allita rimashcamantami cushicun. Alli punllapitaj yuyaita cushcaca sumajmari.

PROVERBIOS 4:23

Tucuimanta yallica cambaj shunguta huaquichingui. Shungupi yuyashcami causaipica ricurin.

Juan 7:38

Quillcachishcapi nishca shinaca: “Ñucata crijpaj shungu ucumantaca, causaiyuj achca jatun yacumi pajchacungalla” ninmi– nircami.

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Efesios 4:29

Cancunapaj shimimantaca, ima mapa shimicuna ama llujshichun. Ashtahuanpish uyajcuna sinchiyachun allicunallata rimaichij.

Efesios 5:19

Cancunapura salmocunahuan, himnocunahuan, cantocunahuan yuyachinacushpa, cancunapaj shungucunapi, Mandaj Jesusta cantashpa alabaichij.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

Colosenses 4:6

Cancunapaj rimaicunaca cachihuan mishquichishca shina uyananqui cachun. Chashna cashpami pimanpish jahualla imata cutichina cashcataca yachanguichij.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

Judas 1:15

tucui paicuna imalla rurashcataca ricuchirca. Paicunamanca Diosta mana manchaj cashcamanta tucui imalla millaita rurashcacunata ima shina cashcatatajmi ricuchirca. Paita mana manchaj juchasapacuna, millai shimicunahuan paita c'amishcamantami llaquichirca” ninmi.