Lucas 6:39 - Dios Rimashca Shimicunami

³⁹ Shuj yuyachij parlohuanpish cashnami nirca: “¿Mana ricujca, caishuj mana ricujtaca pushai tucungachari? ¿Manachu ishquindijtaj jutcupi huashicunman?

Mushuj Testamento Diospaj Shimi

³⁹ Jesusca cai parlohuanpishmi, chʼimbapurashpa yuyachirca: «¿Mana ricuj runaca, shujtaj mana ricuj runataca pushaipajchu imatagari? ¿Manachu ishquindijtaj mai jutcupi huashicunman?

Lucas 6:39 Iomraidhean Croise

ISAÍAS 56:10

Israelcunata cuidajcunaca, mana ricujcunami. Tucui paicunaca mana yachashca shina tucujcunami. Tucui paicunaca mana ladraj upa allcucuna shinami. Dormicujlla q'uillacunami. Dorminallata munajcunami.

ISAÍAS 9:16

Cai gentecunata mandajcunaca umajcunami. Chaimi paicuna mandacushcaca chingarin.

JEREMÍAS 6:15

Millananacunata rurashcamantaca ¿pingarincunachu imatagari? Mana yangamanta nicunichu, paicunaca manataj pingancunachu. Ima shina pingarinatapish mana yachancunachu. Chaimantami ñuca llaquichijpica, caishujcuna shinallataj llaquipi urmangacuna” ninmi Mandaj Diosca.

JEREMÍAS 8:12

Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

Mateo 13:3

Chaipimi Jesusca, achca yuyachij parlocunahuan parlashpa cashna nirca: “Tarpuj runami tarpunaman llujshirca.

Mateo 15:14

Chaicunataca saquichijlla. Paicunaca mana ricujcuna. Mana ricujcunallatataj pushajcunami. Mana ricujllataj caishuj mana ricujta pushajca, ishquindijtajmi jutcupi urmangacuna– nircami.

Mateo 23:33

¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu.

Romanos 2:19

Mana ricujcunata pushajtajmi cani, amsapi cajcunata achijyachijpishmi cani,

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.