Lucas 6:30 - Dios Rimashca Shimicunami

³⁰ Maijan canta imata mañajpica, cunguilla. Cambajta maijan imata apajpica, tigrachi nishpa ama mañangui.

Mushuj Testamento Diospaj Shimi

³⁰ Maijan imata mañajpica, mañashcata cuilla. Imatapish cambajta maijan quichujpica, ama tigrachichun mañaichu.

Lucas 6:30 Iomraidhean Croise

SALMOS 112:9

Paica chaupijmi, huajchacunaman cujmi. Paipaj cashcata ruraj canaca huiñaipajmi canga. Pai tucuita rurai tucuj cashcataca yallitaj jatunyachishcami canga.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

PROVERBIOS 21:26

Shujcunaca imatapish tucui punlla munashpallami cainan. Ashtahuanpish cashcata ruraj runaca, maquita cacharishpa cungapajpishmi charin.

PROVERBIOS 22:9

Llaquishpataj huajchaman carajmanca, allicunatami cunga.

ECLESIASTÉS 11:2

Canchismanpish, pusajmanpish carailla. Llajtapaj ima llaqui shamucunataca mana yachanguichu.

ECLESIASTÉS 8:16

Ñucaca tucui shunguhuanmi cai pachapi causajcuna imallata ruraj cashcataca yacharcani. Huaquincunaca tutapish, punllapish mana samarincunachu.

Mateo 18:35

Maijan huauqui cancunata p'iñachishcacunata caishuj, chaishuj mana tucui shunguhuan perdonajpica, jahua pachapi caj ñuca Yayapish cancunataca chai shinallatajmi llaquichinga– nircami.

Mateo 5:39

Ashtahuanpish ñucaca cashnami nini: Maijan ima mana allita rurajpipish, ama c'ariyangui. Alli lado quijaduspi maijan huajtajpica, caishuj ladopipish huajtachingui.

Mateo 6:12

Ima shinami shujtajcuna ñucanchijta ima mana allita rurashcacunata perdonanchij, shinallataj quiquinpish ñucanchij juchacunata perdonapai.

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 18:22

Chaita uyashpami Jesusca: –Shujca illanrajmi: Can imalla charishcacunata tucui c'atushpa, huajchacunaman cugri. Chaimi jahua pachapica achcata charingui. Chai q'uipaca, shamui ñucata cati– nirca.

Lucas 6:29

Shuj lado quijadospi huajtajpica, caishuj ladotapish ricuchingui. Jahua churanata quichujpica, camizatapish apachun saquinguilla.

Lucas 6:31

Ima shinami shujtajcunataca cancunapaj allita rurachun munanguichij, chashnallataj cancunapish shujtajcunapaj allita ruraichij.

Lucas 6:38

Shujtajcunaman cuichij, Taita Diospish cancunamanca jatun jatunpi tushuchishpa, llapishpa talliricujtami cunga. Cancuna ima shinami shujtajcunaman jatun jatunpi cunguichij, chashnallatajmi cancunamanpish cunga” nircami.

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Efesios 4:28

Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.