Lucas 6:29 - Dios Rimashca Shimicunami

²⁹ Shuj lado quijadospi huajtajpica, caishuj ladotapish ricuchingui. Jahua churanata quichujpica, camizatapish apachun saquinguilla.

Mushuj Testamento Diospaj Shimi

²⁹ Maijan canta quijadospi huajtajpica, caishuj ladopipish huajtachun ricuchinguilla. Cambaj jahua churashcata maijan quichujpica, ucu churashcatapish cushpa cachanguilla.

Lucas 6:29 Iomraidhean Croise

2 SAMUEL 19:30

Mefi-bosetca jatun mandajtaca: –Siba tucuita japichun saquilla. Jatun mandaj ñuca amo paipaj huasiman ima mana tucushca alli tigrashcami ñucapajca ashtahuan alli– nircami.

2 CRÓNICAS 18:23

Chaimi Quenaanapaj churi Sedequiasca, Micaiasta quijaduspi huajtashpaca: –Mandaj Diospaj Espirituca ñucamanta anchurishpaca ¿maitataj cambajman rishpaca chashnaca huillachingari?– nirca.

ISAÍAS 50:6

Chugrichijcunamanca, ñuca huashata ricuchircanillami. Barbasta chutajcunamanpish ñuca quijadusta ricuchircanillami. C'amishpa ch'ucajpipish, ñuca ñahuita ricuchircanillami.

LAMENTACIONES 3:30

Maijan macajpipish quijadusta ricuchichunlla, mashnata c'amijpipish upalla uyachunlla.

MIQUEAS 5:1

Jerusalenpi causaj alli macanacunata yachajcunalla, cancunapaj llajtataca muyundijta pircaichigari. Ñucanchij llajtata quichujcunamari muyundijta shayacuncuna. Paicunami Israel llajtapaj jueztaca, varahuan quijaduspi chugrichingacuna.

Mateo 26:67

Chashna nishpaca, ñahuipi ch'ucashpami huajtarcacuna. Maijancunaca, ñahuipi chajyachishpami,

Lucas 22:64

Ñahuita huatashpa huajtashpaca: –¿Pitaj cantaca huajtanchij? Huillaiyari– nishpami tapurcacuna.

Lucas 6:30

Maijan canta imata mañajpica, cunguilla. Cambajta maijan imata apajpica, tigrachi nishpa ama mañangui.

Juan 18:22

Jesús chashna nijpica, Taita Diospaj huasita cuidajcunamanta shujmi: –¿Curacunata mandaj cura tapujpichu chashna cutichingui?– nishpa shujta ch'ajyachirca.

Hechos 23:2

curacunata jatun mandaj Ananiasca, Pablopaj c'uchupi cajcunataca shimipi huajtachun mandarca.

1 Corintios 4:11

Cunan punllacamami yaricaihuan, yacunaihuanpish llaquita apacunchij, churana illaj, pipish macashca, maipi causanapish illajllami canchij.

1 Corintios 6:7

Cancunapura juiciopi churashpaca, cancunallatajmi llaqui tucunguichij. Llaquichijpipish ¿ima nishpataj chai llaquitaca mana apanguichij? Umashpa shuhuajpipish ¿ima nishpataj mana saquinguichij?

2 Corintios 11:20

Cancunata maijan huatashcata shina charijpipish, maijan millpusha nicujpipish, maijan cancunapajta quichujpipish, maijan jatun tucushca cajpipish, maijan ch'ajyachijpipish chaicunatarajmi ahuantanguichijlla.

Hebreos 10:34

Cancunaca prezu cajcunatapish, llaquijcunami carcanguichij. Cancunapaj imalla charishcacunata quichujpipish, jahua pachapi mana tucurij charinacunata charishcamantaca cushicurcanguichijmi.