Lucas 6:27 - Dios Rimashca Shimicunami

²⁷ Ashtahuanpish cunan caipi uyacujcunataca, cashnami nini: Cancunata p'iñajcunataca c'uyaichij, cancunata llaquichijcunapajca allita ruraichij.

Mushuj Testamento Diospaj Shimi

²⁷ Shina cajpipish, Ñucata uyacuj tucui cancunatami caitaca mandani: Cancunata pʼiñajcunata cʼuyaichij, mana ricunachijcunapajpish allita ruraichij.

Lucas 6:27 Iomraidhean Croise

1 REYES 13:6

Chashna tucujpimi jatun mandajca, Taita Diospaj runataca: –Ñuca maqui alli tucuchun canta Mandaj Taita Diosta ñucamanta rogashpa mañai– nijpi Diospaj runa, Mandaj Diosta mañajpica, jatun mandajpaj maquica ñaupa shinallataj alli saquirircallami.

SALMOS 7:4

Ñucahuan alli caj ñucapaj allita ruraj runatachu mana allihuan cutichircani imatagari. Ashtahuanpish ñucata yangamanta p'iñajtapish llaquimanta llujshichircanimari.

PROVERBIOS 24:17

Canta p'iñaj runa ima llaquipi urmajpica, ama asinguichu. Paita llaqui japijpica shungullapipish ama cushicunguichu.

PROVERBIOS 25:2

Ima yachanata pacalla charinaca, Taita Diospajca sumajmi. Chaicunata callarishpa yachanaca, jatun mandajpajca allimi.

Marcos 4:24

Cashnapishmi nirca: “Imata uyashcataca yuyaipi chariranguichij. Shujtajcunapaj allita rurajpica, ima shina rurashca shinallatajmi cancunamanca cunga. Cai nishcata yachajcunamancarin ashtahuan yallitami cunga.

Lucas 23:34

Chaipimi Jesusca: –Yayitu, paicunaca imata ruracushcataca mana yachancunachu, perdonapailla– nirca. Jesuspaj churanataca, soldadocunami sorteashpa japircacuna.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Lucas 6:35

Ashtahuanpish cancunata p'iñajcunata c'uyashpa, paicunapaj allita ruraichij. Imata mañachishpaca chaimanta imata japinataca ama yuyaichijchu. Cancuna japinaca tucuimanta alli jatunmi. Jahua pachapi caj Taita Diospaj huahuacunami canguichij. Taita Diosca mana pagui nijcunatapish, mana allicunatapish llaquijmi.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Lucas 8:18

Riquichij, imata uyashcataca yuyaipi charinguichij. Chaita charirajmanca, ashtahuanmi cunga. Mana charirajmanca pai charisha nicushcatapish quichungami– nircami.

Lucas 8:8

Asha muyuca alli allpapimi urmarca. Chaipica alli huiñashpami, shuj muyullamanta patsajta p'ucurca” nishpaca: “Maijanpish uyanapaj rinrinta charijca, tucui yuyaihuan uyachun” nishpami sinchita rimarca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 16:28

Chaimi Pabloca: –¡Ama llaquichirichu, tucuicunami caipi canchij!– nishpa sinchita caparirca.

Hechos 7:60

Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.

Gálatas 6:10

Chashna cajpica, ima ruranata charishpaca tucuicunapaj allita rurashunchij. Ashtahuantajca crijcunapaj allita rurashunchij.

1 Tesalonicenses 5:15

Maijanpish ima mana allita rurajpica, ñataj canpish chashnallataj ruranguiman. Chaipaj randica, caishuj chaishujhuan, tucuicunahuanpish allita rurashpa catichij.

3 Juan 1:11

C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.