Lucas 6:25 - Dios Rimashca Shimicunami

²⁵ Aij, cunan mana nijta micucujcunalla q'uipataca yaricaihuan ¡imachari tucunguichij! ¡Aij, cunan asicujcunalla! Q'uipataca achcata llaquirishpami huacanguichij.

Mushuj Testamento Diospaj Shimi

²⁵ ¡Ai! Cunan sajsajta micujcunalla, qʼuipataca yaricai shamungami. ¡Ai! Cunan asicujcunalla, qʼuipataca caparirishpami huacanguichij.

Lucas 6:25 Iomraidhean Croise

SALMOS 49:19

Chashna cashpapish paipaj yayacunapaj huahua huahuacuna causacunllamantajmi yaicunga. Luztaca nunca mana ricungachu.

PROVERBIOS 14:13

Asicujpipish shunguca llaquillatajmi, cushicushpa asishca q'uipaca, llaquillatajmi saquirin.

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

ECLESIASTÉS 2:2

Asishpapish: “Loco shinamari cani” nircanimi, cushicushpapish: “Imata mana surcunichu” nircanimi.

ECLESIASTÉS 7:3

Huacanaca asinata yalli allimi. Llaquilla ñahui tucujpimi, shunguca manchashpa alli tucun.

ECLESIASTÉS 7:6

Ch'ahuan runa asishcaca, casha trasyashpa manga ucupi rupacuj shinallami. Asinapish yangallatajmi.

ISAÍAS 28:7

Ashtahuanpish paicunapish vinota ubyashpami musparircacuna. Sidrata ubyashpami yuyai illaj tucurcacuna. Curapish, profetapish sidrata ubyashpami pandarircacuna. Vinota ubyashpami musparircacuna. Sidrata ubyashpami yuyaita chingachircacuna. Machashpa musparishpallami muscuipimi ricunchij nishpa huillarcacuna. Mandanapipish pandami mandarcacuna.

ISAÍAS 65:13

Chaimantami Mandaj Jatun Diosca cashna nin: “Riqui, ñucapajta rurajcunaca micungacunami. Ashtahuanpish cancunaca yaricaihuanmi canguichij. Ñucapajta rurajcunaca yacuta ubyangacunami. Ashtahuanpish cancunaca yacunaihuanmi canguichij. Ñucapajta rurajcunaca cushicungacunami, ashtahuanpish cancunaca pingachishcami canguichij.

ISAÍAS 8:21

Paicunaca cai allpapica shaicushcacuna, yaricaihuanmi caiman chaiman puringacuna. Yaricaihuan cashpami p'iñarishpa jahua pachata huichilla ricushpa paicunata jatun mandajtapish, paicunapaj Diostapish mana alli nishpa rimangacuna.

ISAÍAS 9:20

Alli maquiman cajta millpushpapish yaricaillahuantajmi saquiringacuna. Lluqui maquiman cajta micushpapish mana huijsa jundata micungachu. Tucuicunami paicunapaj quiquin rigrallatataj micungacuna.

AMÓS 8:10

Cancunapaj cushicuna fiesta punllaca huacanami tucunga. Chai punllapica, cancunata cushichishpa cantajcunapish yupashpa yupashpami huacangacuna. Cañamazutami churachisha, uma ajchatapish lluchutami rutuchichisha. Chaipica tucuicunami shujlla c'ari huahua huañushcamanta shina huacanguichij. Chai punllaca, mana jahualla mancharina jatun llaqui punllami canga” ninmi.

NAHUM 1:10

Ahuarishpa huiñashca cashacuna shina cajpipish, yuyai chingarijta machashca shina cajpipish, chaquishca p'angata ninapi tucui rupachij shinami tucuicunata rupachinga.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Lucas 13:28

Taita Dios mandacujpi Abrahamta, Isaacta, Jacobta, tucui profetacunatapish chaipi cajta ricushpaca, cancunaca canllaman shitashca cashcamanta quirucuna canirinacushpami huacanguichij.

Lucas 6:24

Aij, achcata charijcunalla, cancuna charishcahuan ña cushicucushcamanta ¡imachari tucunguichij!

Lucas 6:26

Tucui runacuna cunan alli nishcacunalla ¡aij, imachari tucunguichij! Paicunapaj ñaupa yayacunapish, llulla profetacunatarajmi alli nijcuna carca.

Lucas 8:53

Chaipica chai huambra huañushcataj cashcata yachashcamantami asircacuna.

Efesios 5:4

Cancunaca pinganayaj shimicunata, manapish rimana shimicunata, mapa shimicunatapish ama rimanguichij. Chaicunaca mana allichu. Chaipaj randica Diosta pagui nichij.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.

Santiago 4:9

Llaquirichij, aij nichij, huacaichij. Asinapaj randica, huacaichij. Cushicunapaj randica, llaquirichij.

Apocalipsis 3:17

Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.

1 SAMUEL 2:5

Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.