Lucas 6:24 - Dios Rimashca Shimicunami

²⁴ Aij, achcata charijcunalla, cancuna charishcahuan ña cushicucushcamanta ¡imachari tucunguichij!

Mushuj Testamento Diospaj Shimi

²⁴ ¡Ai! Cunan achcata charijcunalla, cancunaca caillapimi cushicushpa causanguichij.

Lucas 6:24 Iomraidhean Croise

PROVERBIOS 1:32

Upacunataca paicunapaj panda causaillatajmi huañuiman chayachin. Rumi shungucuna cushicushpa causashcaca, chingarinaman apanllami.

HAGEO 2:9

Q'uipata rurashca cai huasica, ñaupaman rurashca huasitapish yalli sumajmari canga” ninmi tucuita Mandaj Diosca. “Caipica sumaj causaitamari churasha” ninpishmi tucuita Mandaj Diosca.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Mateo 6:2

Cancuna huajchacunaman imata cushpaca mishqui shimi jayaj shungucuna, runacunapaj ñaupajpi alli ricuringa raiculla cushpa sinagogacunapi, ñancunapi tocachij shinaca canca cambaj ñaupajpi trompetapi ama tocachingui. Chashna rurashpaca runacuna alli nishcallatami ña japincuna. Chaica chashnatajmi.

Mateo 6:5

Taita Diosta mañacushpaca, mishqui shimi jayaj shungucuna rurashca shinaca ama ruranguichij. Paicunaca runacunapi alli ricuringa raiculla mañacushcamanta sinagogacunapi, ñan muyurincunapi shayarishpa mañanatami munancuna. Chashna rurashcamantaca runacuna alli nishcallatami paicuna japina cashcataca ña japincuna. Chaica chashnatajmi.

Lucas 6:25

Aij, cunan mana nijta micucujcunalla q'uipataca yaricaihuan ¡imachari tucunguichij! ¡Aij, cunan asicujcunalla! Q'uipataca achcata llaquirishpami huacanguichij.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

Santiago 2:6

Ashtahuanpish cancunaca, huajchacunatami pingachishcanguichij. ¿Manachu charijcunaca cancunata llaquichincuna? ¿Manachu paicunallataj cancunataca mandajcunapajman sirijta aisancuna?