Lucas 6:21 - Dios Rimashca Shimicunami

²¹ Cunan yaricaihuan cajcunaca, cushichishcami canguichij. Mana nijtami micunguichij. Cunan huacacujcunaca, cushichishcami canguichij, yallitajmi asinguichij.

Mushuj Testamento Diospaj Shimi

²¹ Cushicuichij, cunan yaricaihuan cajcuna. Diosca cancunamanmi mana nijta caranga. Cushicuichij, cunan huacacujcuna, cancunapajca asina shamungami.

Lucas 6:21 Iomraidhean Croise

GÉNESIS 17:17

Chaimi Abrahamca pambaman tupajta cumurishpa paipaj shungupi asishpa: “Ña patsaj huatayuj yuyaj runaca ¿maitataj huahuayuj tucungari? Sarapish iscun chunga huatayuj huarmica ¿chichungachari?” nirca.

GÉNESIS 21:6

Sara huarmica cashnami nirirca: “Taita Diosmari ñucataca asichin. Ñuca huahuayuj tucushcata pipish uyajcunaca cushicushpami ñucahuan asingacuna.

SALMOS 107:9

Paica ima illajlla cajman cujmi. Yaricaihuan cajman pajtata carajmi.

SALMOS 119:136

Quiquin mandashcata mana pajtachishcamantami ñuca ñahuimanta huiquica jatun yacu shina rirca.

SALMOS 143:6

Quiquinpajmanmi ñuca maquicunataca chutarcani. Ñuca almaca chaquishca allpa yacunaihuan caj shinami quiquinta shuyacun. Selah

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

SALMOS 28:7

Mandaj Diosca ñuca fuerzami, ñuca escudomi. Paipimi ñuca shunguta churani. Paimi ñucata ayudan. Ñucaca shungumantatajmi cushicuni. Ñuca cantohuanmi alabani.

SALMOS 65:4

Maijanpish quiquin agllashcaca cushichishcami. Quiquin pushamushcaca cushichishcami. Quiquinpaj huasi canllacunapi causachunmi pushamushcangui. Quiquinpaj huasipi tiyaj allicunahuanmari cushicushun. Jucha illaj quiquinpaj huasipimari cushicushun.

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

ISAÍAS 30:19

Siónpi caj Jerusalenpi causajcunataca Jatun Dios llaquishpa, cancuna caparishpa mañashcata uyaihuan cutichishcamantaca ña manataj huacangacunachu.

ISAÍAS 66:10

Jerusalenhuan cushicuichigari. Tucui paita c'uyajcuna paihuan cushicuichigari. Pai llaquilla cajpi llaquihuan cajcunaca paihuan cushicuihuan junda tucuichigari.

JEREMÍAS 13:17

Cancuna jatun tucushpa caita mana uyajpica imatataj rurashapish, cancunamantaca pacallapi huacashpa saquirishatajchari. Mandaj Diospaj oveja canllata prezu apajpica, ñuca ñahuicuna yacuyashpa tucuringacama jatunta huacacushallatajchari.

JEREMÍAS 31:25

Shaicushcacunamanca tucui ima illashcatami cusha. Yaricaihuan urmacujcunamanca huijsa pajtajtami carasha” nircami.

JEREMÍAS 31:9

Caimantaca huacashpami, llujshishpa ringacuna. Shina cajpipish, ñucaca jatun c'uyaihuanmi tigrachimusha. Sumaj yacu tiyan pugrucunatami purichisha. Ima ñitcarina illaj sumaj ñanpimi churasha. Ñucamari israelcunapajca yaya cani, Efrainca ñuca punta churimari” ninmi.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

EZEQUIEL 7:16

Chai tucui llaquicunamanta quishpirishpa saquirijcunaca, pugru pambapi causaj palomacuna shinami urcucunapi miticugringacuna. Paicunaca millaita rurashcamantami, tucuicunallataj huacashpa ringacuna.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

Mateo 5:4

Huacajcunaca cushichishcami. Paicunami cushicuita chasquingacuna.

Mateo 5:6

Cashcata ruraj canata yaricaihuan, yacunaihuan shina mashcajcunaca cushichishcami. Paicunaca mana nijtami micungacuna.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 6:20

Jesusca, paipaj yachacujcunata ricushpaca cashnami nirca: “Huajchacunaca, cushichishcami canguichij. Taita Dios mandagrinca cancunapajmi.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Lucas 6:25

Aij, cunan mana nijta micucujcunalla q'uipataca yaricaihuan ¡imachari tucunguichij! ¡Aij, cunan asicujcunalla! Q'uipataca achcata llaquirishpami huacanguichij.

Juan 11:35

Jesuspish huacarcami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

1 Corintios 4:11

Cunan punllacamami yaricaihuan, yacunaihuanpish llaquita apacunchij, churana illaj, pipish macashca, maipi causanapish illajllami canchij.

2 Corintios 11:27

Shaicuitami trabajarcani, tauca cutinmi mana dormishca carcani. Yaricaihuan, yacunaihuanmi carcani, tauca cutinmi ayunarcani, churana illajlla achca chirihuanpishmi carcani.

2 Corintios 12:10

Cristota c'uyashcamantaca irquilla cashpapish, c'amishpa rimajpipish, ima illajlla cashpapish, catirashpa llaquichijpipish, ima llaquicunapi cashpapish cushicuihuanmi cani. Chashna irquilla cashcapimi, ashtahuan sinchi tucuni.

2 Corintios 6:10

Llaquilla cashpapish, punllantami cushijlla canchij. Imata mana charijcuna cashpapish, achcacunatami charijyachicunchij. Imata mana charishpapish, tucuitami charinchij.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.

Apocalipsis 7:16

“Paicunaca ña mana yaricachingachu, ña mana yacunachingachu. Intipish paicunataca mana rupachingachu, t'itaipish mana tiyangachu.