Lucas 6:17 - Dios Rimashca Shimicunami

¹⁷ Jesusca paipaj yachacujcunandij urcumanta uriyamushpaca, shuj pambapimi paita catij achcacunandij carca. Chaimanca tucui Judeamanta, Jerusalenmanta, mama cucha uripi caj Tiromanta, Sidonmantapishmi Jesús yachachishcata uyangapaj, ungüicunamanta alliyachishca cangapajpish shamushcacuna carca.

Mushuj Testamento Diospaj Shimi

¹⁷ Jesusca yachacujcunandij urcumanta uriyamushpaca, shuj pambapimi saquirircacuna. Chaipica Jesuspaj achca yachacujcunandij, tucui Judeamanta, Jerusalenmanta, shinallataj yacu uripi caj Tiro shuti, Sidón shuti llajtacunamanta shamushcacunandijmi chaipi carca.

Lucas 6:17 Iomraidhean Croise

SALMOS 103:3

Paica tucui millaita can rurashcata perdonajmi. Paica tucui cambaj ima nanaitapish alliyachijmi.

Mateo 11:21

“Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari mana allita ruracushcata saquishcata ricuchingapaj cañamazuta churarishpa, ushpata shitarinman carcacuna.

Mateo 12:15

Jesusca chashna huañuchisha nicujta yachashpami, chaimanta llujshishpa rirca. Achcacuna paita catishpa rijpi, tucuicunata alliyachishpaca,

Mateo 14:14

Barcomanta Jesús llujshishpaca, achcacuna chaipi cajta ricushpami, paicunata llaquishpa ungushca cajcunataca alliyachirca.

Mateo 15:21

Chaimanta Jesús llujshishpaca, Tiro, Sidón llajtacunamanmi rirca.

Mateo 5:1

Jesusca chai tucuicunata ricushpami, urcuman huichiyashpa chaipi tiyarirca. Paipaj yachacujcunapish c'uchuyarcacunami.

Lucas 5:15

Jesús alliyachicushcaca huashan huashanmi ashtahuan ashtahuan uyarirca. Chaimantami Jesús huillashcata uyanaman, ungüimanta alliyachichunpish yallitaj achcacuna tandanacumurcacuna.

Lucas 6:12

Chai punllacunapimi Jesusca, Diosta mañangapaj urcuman rirca. Chaipica tucui tutami Diosta mañarca.

Lucas 6:16

Jacobopaj huauqui Judaspish, Judas Iscariotepishmi carca. Paimi, Jesusta huañuchichun japichij carca.

Lucas 6:18

Chaipica millai espiritucuna llaquichishca cashcacunatapish alliyachircami.