Lucas 5:5 - Dios Rimashca Shimicunami

⁵ Simonca: –Yachachij, tucui tuta trabajashpapish ima chalhuata mana japircanchijca. Can nishcamanta linchita shitashpa ricusha– nishpami shitarca.

Mushuj Testamento Diospaj Shimi

⁵ Shina nijpi Simonca: —Yachachij, tucui tuta chalhuata japishun yuyashpapish, imata mana japircanchijca. Can mandashcamanta linchita shitashpa ricusha— nircami.

Lucas 5:5 Iomraidhean Croise

EZEQUIEL 47:10

Shinallataj chalhuata japijcunapish, chai yacu c'uchupimi canga. En-gadi pueblomantaca, En-eglaim pueblocamami linchicunatapish churangacuna. Jatun Cuchapi tiyaj chalhuacuna shinallataj cai yacupipish, tucui laya chalhuacunaca achcami tiyanga.

Lucas 17:13

Chai runacunaca: –¡Yachachij, Jesús ñucanchijta llaquihuayari!– nishpami caparircacuna.

Lucas 8:24

Chaimi yachacujcuna Jesuspajman c'uchuyashpaca: –¡Yachachij, Yachachij huañugrinchijmari!– nishpa rijchachircacuna. Pai rijcharishpaca, huairatapish, yacutapish casijlla tucuichij nishpa sinchita rimajpica, casijlla tucurcallami.

Lucas 8:45

Chaimi Jesusca: –¿Pitaj ñucapi tuparinchu imamí?– nijpi tucui chaipi cajcunaca pi mana tuparinchijchu ninacujpi Pedropish, paihuan cajcunapish: –Yachachij, cai tucuicuna t'angarinacushpa llapirinacucushca jahuachu: “¿Pitaj ñucapi tuparinchu ningui imamí?”– nircacuna.

Lucas 9:33

Chai ishqui runacuna Jesusmanta caruyashpa rijpica, Pedroca, Jesustaca: –Yachachij, ñucanchijca allitajchari caipi canchij. Quimsa chujllacunata rurashun. Shujtaca cambaj, caishujtaca Moisespaj, chaishujtaca Eliaspaj– nirca. Ashtahuanpish Pedroca imata rimacushcatapish mana yacharcachu.

Lucas 9:49

Chaipimi Juanca: –Yachachij, shuj runa cambaj shutipi supaicunata llujshichicujta ricushpami, paica mana ñucanchijpura cajpi, ama chashna ruraichu nircanchij– nirca.

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.

Juan 2:5

Chaimi paipaj mamaca servijcunataca: –Pai tucui imalla nishcata ruraichij– nirca.

Juan 21:3

Chaipimi Simón Pedroca: –Chalhuacunata japinamanmi rigrini– nijpi, caishujcunapish: –Ñucanchijpish canhuanmi rishun– nircacuna. Chaimantaca shuj barcopi llujshishpami tucuicuna rirca. Ashtahuanpish chai tutaca, ima chalhuata mana japircacunachu.