Lucas 5:35 - Dios Rimashca Shimicunami

³⁵ Ashtahuanpish novio ña mana paicunahuan cajpimi, compañajcunaca ayunangacuna– nircami.

Mushuj Testamento Diospaj Shimi

³⁵ Ashtahuanpish cusa illajlla saquirina punllacuna chayamungamari, chaipitajca ayunangacunami— nircami.

Lucas 5:35 Iomraidhean Croise

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 9:15

Shina nijpi Jesusca: –Bodapi cajcunaca novio paicunahuan cajpica mana llaquilla cai tucunchu. Ashtahuanpish noviota paicunapajmanta quichuna punllami chayamunga. Chaipimi ayunangacuna.

Marcos 2:20

Ashtahuanpish noviota paicunapajmanta quichuna punlla chayamungami. Chaipimi ayunangacuna.

Lucas 17:22

Jesusca paipaj yachacujcunataca: –Runa Aichayujpaj punllata shuj punllallatapish ricunayachina punllacuna chayamungami. Ricusha nishpapish mana ricunguichijchu.

Lucas 5:34

Jesusca cashnami nirca: –¿Cancunaca cazarana bodaman cayashcacunataca, novio paicunahuan cajpica ayunachinguichijchari?

Lucas 5:36

Yuyachij shuj parlohuanpishmi cashna nirca: –Pipish mushuj churanata p'itishpa mauca churanataca mana llachapanchu. Chashna rurashpaca, mana mushuj churanallata lliquishpa llaquichinchu. Mushujpish maucapica mana alli ricurinmanchu.

Juan 12:8

Huajchacunaca mana illangachu. Ashtahuanpish ñucaca mana cancunahuan causacushallachu– nirca.

Juan 13:33

Huahuacuna, ashacamallami caipi cancunahuan tiyacuni. Cancunataca judiocunata nishca shinallatajmi nini: Ñucataca mashcanguichijmi. Ñuca maiman ricunmanca, cancunaca mana ri tucunguichijchu.

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Hechos 1:9

Tucui caicunata nishca q'uipami, paicuna ricucujpi Jesustaca jahua pachaman apajpi, paita p'uyu chasquishpa pacajpica, ña mana ricui tucurcacuna.

Hechos 14:23

Tandanacushca crijcuna tiyanpica, tucuipimi cunaj yuyajcunata churarcacuna. Ayunashpa, Taita Diosta mañashca q'uipaca paicunataca paicuna crishca Mandaj Jesusmanmi mingarcacuna.

Hechos 3:21

Jesusca tucuita mushujyachina punllacuna chayamungacamami, jahua pachapi canga. Chashna tucunataca Taita Diosca paipaj jucha illaj profetacunatami ñaupaman huillachishca.

1 Corintios 7:5

Caishujpish chaishujpish ama mitsarinacuichijchu. Tucui yuyaihuan Diosta mañangapajlla, ishquindij shuj yuyailla tucushpa ashacama jarcarichij. Mana unita jarcari tucujpica, mana alli yuyaita Satanás ama cuchun cutin tandanacuichijlla.

2 Corintios 11:27

Shaicuitami trabajarcani, tauca cutinmi mana dormishca carcani. Yaricaihuan, yacunaihuanmi carcani, tauca cutinmi ayunarcani, churana illajlla achca chirihuanpishmi carcani.