Lucas 5:33 - Dios Rimashca Shimicunami

³³ Jesús chashna nijpimi paicunaca: –Bautizaj Juanpaj yachacujcunapish, fariseocunapaj yachacujcunapish ayunacunllacunami, Diosta mañacunllacunami. ¿Ima nishpataj cambaj yachacujcunaca mana chashna rurashpa micucunllacuna, ubyacunllacuna?– nircacunami.

Mushuj Testamento Diospaj Shimi

³³ Jesús chashna nijpimi, paicunaca cashna tapurcacuna: —Jala, Bautiźaj Juanpaj yachacujcunapish, fariseocunapaj yachacujcunapish tauca cutin ayunashpa Diosta mañacunllamari. ¿Cutin Cambaj yachacujcunaca, ima nishpataj micucunlla, ubyacunllacuna?— nircacunami.

Lucas 5:33 Iomraidhean Croise

PROVERBIOS 28:9

Mandashcata mana uyasha nijtaca, pai mañashcatapish Diosca manataj uyanachinchu.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

ZACARÍAS 7:6

Micushpapish, ubyashpapish cancunapajllatajmi micurcanguichij ubyarcanguichij ni” nircami.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Marcos 12:40

Paicunaca viudacunapaj huasicunatapish quichushpa millpujcunami. Alli ricuringaraicuca, unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga”– nircami.

Lucas 11:1

Chai q'uipami Jesusca Diosta mañacurca. Pai ña tucuchijpica paipaj yachacujcunamanta shujca: –Mandaj Jesús, ñucanchijtapish Taita Diosta mañanata yachachi. Bautizaj Juanpish paipaj yachacujcunataca Taita Diosta mañanata yachachircami– nirca.

Lucas 18:12

Semanapica ishqui cutinmi ayunani. Tucui ñuca ganashcamantapish, chungamanta shujtami cuni” nirircami.

Lucas 2:37

Paica pusaj chunga chuscu huatatami viuda causarca. Chai huarmica Diospaj huasimantaca manataj anchushpami, tutapish punllapish Diospajta rurashpa, ayunashpa, mañashpa causarca.

Lucas 20:47

Paicunaca viudacunapaj huasicunatapish quichushpa millpujcunami. Alli ricuringaraicuca unitami Taita Diosta mañaj tucuncuna. Chashna rurajcunataca yallitaj jatunta llaquichishcami canga– nircami.

Lucas 5:32

Ñucaca cashcata rurajcunataca mana cayaj shamurcanichu. Ashtahuanpish juchayujcuna Diosman cutirichunmi cayaj shamurcani– nirca.

Lucas 5:34

Jesusca cashnami nirca: –¿Cancunaca cazarana bodaman cayashcacunataca, novio paicunahuan cajpica ayunachinguichijchari?

Juan 1:35

Chai cayandij punllapish Juanca cutinmi, paipaj ishqui yachacujcunandij chaillapitaj carca.

Juan 3:25

Chaipimi Juanpaj yachacujcunahuan, maijan judiocunahuan Taita Diospaj ñaupajpi alli ricuringapaj maillarinamanta rimanacui callarishca carca.

Hechos 9:11

Chaipimi Mandaj Jesusca: –Jatari, Derecha shuti ñanman ri. Judaspaj huasipi Tarsomanta caj Saulo runata tapui. Paica chaipimi Taita Diosta mañashpa shuyacun.