Lucas 5:30 - Dios Rimashca Shimicunami

³⁰ Chaimantami mandashcacunata quillcajcuna, fariseocunapish yachacujcunataca: –¿Ima nishpataj tributota japijcunahuan, juchayujcunahuanca micucunguichij, ubyacunguichij?– nishpami, juchachishpa rimarcacuna.

Mushuj Testamento Diospaj Shimi

³⁰ Chaita ricushpami Mandashcata yachachijcunapish, fariseocunapish Jesuspaj yachacujcunallata huashallamanta: —¿Ima nishpataj cancunaca impuestota japijcunahuan, juchayujcunahuanca micucunguichij, ubyacunguichij?— nishpa rimarcacuna.

Lucas 5:30 Iomraidhean Croise

ISAÍAS 65:5

Paicunaca: Ñucapajmanca ama c'uchuyamuichu. Can maipi cashcapi saquiri. Ñucaca canta yalli jucha illajmari cani nijcunami. Chashna nijcunaca, nina rupashpa tucui punlla cushnij shinami, ñucataca p'iñachincuna.

Mateo 5:46

Cancunata c'uyajcunallata c'uyashpaca, cancuna japina cashcataca imata mana japinguichijchu. ¿Manachu impuestota japijcunapish paicunata c'uyajcunataca c'uyancuna?

Mateo 9:11

Chaita fariseocuna ricushpami, Jesuspaj yachacujcunataca: –¿Ima nishpataj cancunata Yachachijca impuestota japijcunahuan, juchayujcunahuan micucunchu imamí?– nircacuna.

Marcos 2:16

Mandashcacunata quillcajcunapish fariseocunapish Jesustaca impuestota japijcunahuan, juchayujcunahuan micucujta ricushpami yachacujcunataca: –¿Ima nishpataj caica, impuestota japijcunahuanpish, juchayujcunahuanpish micucunchu, ubyacunchu imamí?– nircacuna.

Marcos 7:3

(Fariseocunapish, tucui judiocunapish paicunapaj ñaupa yayacuna yachachishca shina maquita cutin cutin mana maillashpaca mana micuncunachu.

Marcos 9:16

Jesusca yachacujcunataca: –¿Imatataj paicunahuanca rimanacucunguichij?– nijpimi,

Lucas 18:11

Fariseo shayarishpaca, paillataj alli nirishpami cashna mañarca: “Taita Dioslla, cantami pagui nini. Ñucaca mana shujtaj runacuna shina: Shuhuaj, cashcata mana ruraj, huainayaj mana canichu. Impuestota japij cai runa shinapish mana canichu.

Lucas 19:7

Chaita ricushpaca, juchayuj runapaj huasipimari pozanaman yaicun nishpami, tucuicuna juchachicurcacuna.

Lucas 5:17

Shuj punlla Jesús yachachicujpica, fariseocuna, mandashcacunata jatun yachachijcunapish chaipimi tiyacurcacuna. Paicunaca Galileapi, Judeapi caj tucui uchilla llajtacunamanta, Jerusalenmantapishmi shamushcacuna carca. Ungushcacunata alliyachinapajca Jesusca Jatun Diospaj poderhuanmi carca.

Lucas 5:21

mandashcacunata quillcajcuna, fariseocunaca: “¿Caica pi cashpataj Diosta p'iñashpa c'amicunchu imamí? Pitaj juchacunataca perdonai tucungari. Diosllamari perdonai tucun” nishpa yuyacurcacuna.

Lucas 7:34

Runa Aichayuj tucushpa shamujca micujmi, ubyajmi. Chai runaca: “Achcata micujmi, vinotapish ubyajmi, impuestota japijcunahuan, juchayujcunahuanpish tandanacunllami” ninguichijmi.

Lucas 7:39

Chaita ricushpami micunaman cayaj fariseoca paipaj yuyaipica: “Caica profetataj cashpaca, chai huarmi pi cashcata, ima shina huarmi paipaj chaquipi tuparicujtaca yachanmanmi. Chai huarmica juchasapamari” niricurcami.

Hechos 23:9

Chashna ninacushpaca jatun bullami jatarirca. Chaimi fariseocunapuramanta mandashcacunata quillcaj shayarishpaca: –Cai runapica, ima millaita mana japinchijchu. Shuj espiritumi, mana cashpaca shuj angelmi rimashca canga. Chaimanta Taita Diostaca ama p'iñachishunchij– nircami.