Lucas 5:22 - Dios Rimashca Shimicunami

²² Chaita yuyacujta yachashpami, Jesusca: –¿Ima nishpataj cancunapaj shungupica chashna yuyacunguichij?

Mushuj Testamento Diospaj Shimi

²² Paicuna yuyacushcata yachashpami, Jesusca cashna tapurca: —¿Cancunaca ima nishpataj chashna yuyanguichij?

Lucas 5:22 Iomraidhean Croise

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

SALMOS 139:2

Ñuca tiyarijtapish, jatarijtapishmi ricucungui. Ñuca imallata yuyacujtaca carumantami yachangui.

PROVERBIOS 15:26

Millai runa yuyarishcataca, Mandaj Diosca manataj ricunachinchu. Ashtahuanpish ima millai yuyaita mana charij runa rimashca shimicunaca chuyami.

ISAÍAS 66:18

Ñucaca paicunapaj rurashcacunata yachanimi. Paicunapaj yuyaicunatapish rijsinimi. Tucui llajtacunata, ch'ican ch'ican rimaicunata tandachina punlla chayamungami. Paicuna shamushpaca ñuca sumaj cashcatami ricungacuna.

EZEQUIEL 38:10

Mandaj Jatun Diosca cashnapishmi nin: Chai punllapica cambaj shungumantaca, millai shimicunami llujshinga. Shinallataj mana alli yuyaicunahuan junda cashpami,

Mateo 12:15

Jesusca chashna huañuchisha nicujta yachashpami, chaimanta llujshishpa rirca. Achcacuna paita catishpa rijpi, tucuicunata alliyachishpaca,

Mateo 12:25

Jesusca paicuna ima shina yuyacujta yachashpami cashna nirca: “Maijan llajtapipish mandajcunapurallataj p'iñanacushpa chaupirijpica, paicuna mandacushcaca chingarinmanllami. Maijan pueblopi causajcunapish, huasi ucupi causajcunapurapish quiquinpurallataj p'iñanacujpica chingarinmanllami.

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Marcos 8:17

Chaita Jesús yachashpami: –¿Imatataj rimanacucunguichij? ¿Tandata mana charishcamantachu rimanacunguichij? ¿Manarajchu entendinguichij, manarajchu yuyaita japinguichij? ¿Cancunapaj shunguca rumi shinarajchu?

Lucas 24:38

Chaimi Jesusca cashna nirca: –¿Ima nishpataj mancharinguichij? ¿Ima nishpataj cancunapaj shungupica caita chaita yuyacunguichij?

Lucas 5:21

mandashcacunata quillcajcuna, fariseocunaca: “¿Caica pi cashpataj Diosta p'iñashpa c'amicunchu imamí? Pitaj juchacunataca perdonai tucungari. Diosllamari perdonai tucun” nishpa yuyacurcacuna.

Lucas 5:23

“¿Cambaj juchacunataca perdonashcami” ninachu, mana cashpaca: “Jatarishpa puri” ninachu, imata ninataj ashtahuan jahualla canga?

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

Hebreos 4:12

Diospaj Shimica causajmi, tucuita rurai tucujmi. Ishqui filoyuj tucui espadacunatapish yalli cashcamanta: Almatapish, espiritutapish, mucucunatapish, tullu ñutcutapish, chaupirijta yaicujmi. Shungu imalla yuyashcata, munashcatapish ricuchijmi.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.