Lucas 5:21 - Dios Rimashca Shimicunami

²¹ mandashcacunata quillcajcuna, fariseocunaca: “¿Caica pi cashpataj Diosta p'iñashpa c'amicunchu imamí? Pitaj juchacunataca perdonai tucungari. Diosllamari perdonai tucun” nishpa yuyacurcacuna.

Mushuj Testamento Diospaj Shimi

²¹ Chaimantami Mandashcata yachachijcunapish, fariseocunapish: «¿Caica ima cashpataj Dios tucushpa rimaricunchu, imamí? Pipish juchacunataca mana anchuchi tucunchu, Taita Diosllamari anchuchi tucun» nishpa yuyai callarircacuna.

Lucas 5:21 Iomraidhean Croise

SALMOS 103:3

Paica tucui millaita can rurashcata perdonajmi. Paica tucui cambaj ima nanaitapish alliyachijmi.

SALMOS 130:4

Cumurishpa quiquinta alli nichunmi ñucanchij juchacunata perdonashcangui.

SALMOS 32:5

Mandaj Dios ñuca juchataca tucuitami quiquinman huillarcani. Millaita rurashcacunataca imata mana pacarcanichu. “Ñuca mana cazushcacunataca Mandaj Diosmanmi” huillarcani. Mandaj Dios, millaita rurashpa ñuca juchallishcataca perdonarcanguimi. Selah

SALMOS 35:5

Mandaj Diospaj ángel callpachichun. T'amuta huaira ñaupachishpa rij shina callpachichun.

ISAÍAS 1:18

Tucui caicunata ch'imbapura parlanacungapaj shamuichij ninmi Mandaj Diosca. Cancunapaj juchacuna amsa puca cajpipish, rasu shina yurajllata yurajyachishcami canga. Cancunapaj juchacuna pucanicuj cashpapish, yurajlla millmata shina rurashcami canga.

ISAÍAS 43:25

Cancuna c'ariyashcacunata p'ichaj ñucaca ñucami cani. Ñuca quiquinllatataj c'uyashpami, chashna p'ichani. Cancunapaj juchacunataca manataj yuyarishachu.

ISAÍAS 44:22

Cancuna c'ariyashcacunataca, p'uyuta shinami anchuchircani. Cancunapaj juchacunataca, p'uyulta shinami anchuchircani. Ñucamari cancunataca quishpichircani, ñucapajman cutirichigari” ninmi.

DANIEL 9:19

¡Jatun Dios uyahuayari! ¡Jatun Dios perdonahuayari! ¡Jatun Dios, quiquinpaj rinrinhuan uyashpa ñucanchij mañashcata rurahuayari! Ñuca Taita Dios, quiquinpaj shutita c'uyashcamanta, quiquinpaj shutita mañacun pueblota, quiquin agllashcacunata c'uyashcamanta llaquinataca ama uniyaichu” nishpami mañarcani.

DANIEL 9:9

Ñucanchijca Taita Diosta mana cazushpami c'ariyashcanchij. Cunanca Mandaj ñucanchij Diospimi llaquij canapish, perdonaj canapish tiyan.

LEVÍTICO 24:16

Maijanpish Mandaj Diospaj shutita p'iñashpa c'amijca huañungatajmi. Tucui tandanacushca israelcunami rumicunahuan shitangacuna. Mana israelcuna cashpapish, israelcuna cashpapish Mandaj Diospaj shutita p'iñashpa c'amishpaca huañungatajmi.

MIQUEAS 7:19

Paica ñucanchijtaca cutinllatajmi llaquinga. Ñucanchij millaita rurashcacunatapish pambangami. Ñucanchij juchacunatapish mama cucha ucumanmi shitanga.

Mateo 26:65

Chaipica curacunata mandajca, yallitaj p'iñarishpami paipaj churanacunata lliquirishpaca: –¡Diostamari c'amin! ¿Imapajtaj ashtahuan huillajcunata tapucushunchijlla? Dios tucushpa rimarijtaca cancunallataj ña uyanguichijmi.

Mateo 9:3

Chaimantami mandashcacunata quillcaj maijancunaca: “Caica, Taita Diosta p'iñashpamari c'amicun” nishpa yuyacurcacuna.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Lucas 5:17

Shuj punlla Jesús yachachicujpica, fariseocuna, mandashcacunata jatun yachachijcunapish chaipimi tiyacurcacuna. Paicunaca Galileapi, Judeapi caj tucui uchilla llajtacunamanta, Jerusalenmantapishmi shamushcacuna carca. Ungushcacunata alliyachinapajca Jesusca Jatun Diospaj poderhuanmi carca.

Lucas 5:22

Chaita yuyacujta yachashpami, Jesusca: –¿Ima nishpataj cancunapaj shungupica chashna yuyacunguichij?

Lucas 7:49

Chaimi mezapi Jesushuan tandalla micucujcunaca: –¿Cai runaca pi cashpataj juchacunata perdonani ninchu imamí?– nishpami paicunapuralla ninacucurcacuna.

Juan 10:33

Chaimi judiocunaca: –Allita rurashcacunamantaca mana rumicunahuan shitashun ninchijchu. Ashtahuanpish runa cashca jahua, Taita Dios tucushpa, Taita Diosta p'iñachishcamantami rumicunahuan shitashun ninchij– nircacuna.

Romanos 8:33

Dios agllashcacunataca ¿pitaj juchachingari? Diosmari justificajca.