Lucas 5:10 - Dios Rimashca Shimicunami

¹⁰ Zebedeopaj churi Jacobopish, Juanpish Simonhuan purijcunami carca. Paicunapish chaita ricushpaca achcatami mancharircacuna. Chaimi Jesusca, Simontaca: –Ama manchaichu. Canca cunanmantaca chalhuata japij shinaca runacunata ñucapajman pushamujmi cangui– nirca.

Mushuj Testamento Diospaj Shimi

¹⁰ Zebedeopaj churi Jacobopish, Juanpishmi Simonllahuantaj chalhuajcuna carca. Paicunapishmi achcata mancharircacuna. Ashtahuanpish Jesusca, Simontaca: —Ama manchaichu. Cunanmantapacha canca runacunatami, chalhuata japij shina pushamungui— nircami.

Lucas 5:10 Iomraidhean Croise

Mateo 13:47

Jahua pachamanta mandacunca linchita mama cuchapi shitajpi, tucui laya chalhuacunata tandamuj shinami.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 20:20

Chaipica Zebedeopaj huarmimi, paipaj ishqui churicunandij imata cashpaca mañangapaj Jesuspajman c'uchuyashpa paipaj ñaupajpi cungurijpi.

Mateo 4:19

Paicunatami Jesusca: –Ñucata catichij. Chalhuacunata japijta shinallataj, gentecunata pushamujcunatami rurasha– nirca.

Mateo 4:21

Chaimanta rishpaca, shujtaj ishqui huauquindijcunatami ricurca. Paicunataca Zebedeopaj churi Jacobo, paipaj huauqui Juandij, paicunapaj yaya Zebedeohuan barcopi linchicunata allichicujta ricushpami cayarca.

Marcos 1:17

Paicunataca Jesusca: –Ñucata catichij. Cancunataca chalhuacunata japijta shinallataj, gentecunata pushamujcunatami rurasha– nirca.

Lucas 5:7

shujtaj barcopi cajcunata tauca tucushpa surcungapaj shamuichij nishpa maquihuan cayajpi shamushpaca, ishqui barcocunapish huashicusha nijta jundachircacuna.

Lucas 5:9

Chashna achca chalhuacunata japishcamantaca Simonpish, tucui paihuan cajcunapish achcatami mancharircacuna.

Lucas 6:14

Chai agllashcacunaca: Simón paillatatajmi Pedro nijpish carca. Simonpaj huauqui Andrespish, Jacobopish, Juanpish, Felipepish, Bartolomepish,

Juan 21:2

Simón Pedrondij, ishqui huacharishca Tomasndij, Galileapi caj Canamanta caj Natanaelndij, Zebedeopaj churicunandij, shujtaj ishqui paipaj yachacujcunandijmi chaipica tandacushca carca.

Hechos 2:4

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

2 Corintios 8:23

Titoca ñucahuan purij cashcamanta, cancunapaj allicunata rurajmi. Caishuj huauquicunaca Cristota jatunyachingapaj tandanacushca crijcuna cachashca huillajcunami.

2 Timoteo 2:26

Diablo paipaj munaita rurachishpa, paipaj linchipi prezu charicujmanta llujshichun chashna yuyachingui.