Lucas 5:1 - Dios Rimashca Shimicunami

¹ Shuj punllami Jesusca Genesaret cucha c'uchupi carca. Chaipica achcacunami Diospaj Shimita Jesús huillajpi uyangapaj shamushpaca, t'angarinacushpa paita llapimucurca.

Mushuj Testamento Diospaj Shimi

¹ Genesaret cucha uripi Jesús cajpimi, Diospaj Shimita Pai huillajpi uyangapaj, achca gentecuna llapirinacui Paipajman shamurcacuna.

Lucas 5:1 Iomraidhean Croise

NÚMEROS 34:11

Chai lindeca Sefammanta uri rishpaca, Ainmanta inti llujshin ladoman caj Riblacamami canga. Chaimantaca Cineret cucha uritaca inti llujshin ladotami canga.

Mateo 11:12

Bautizaj Juan huillai callarishca punllamanta cunancamami, jahua pachamanta mandacunca llaquita apacun. Chai mandacunman yaicusha nijcuna ama yaicuchunmi millaicunaca chingachisha nicuncuna.

Mateo 14:34

Ña cuchata ch'imbashpaca, Genesaret llajtamanmi chayarcacuna.

Marcos 3:9

Chaimi Jesusca paipaj yachacujcunataca, chai tucuicuna jundamushpa paita ama llapichun, shuj barcotaca rinallata charichun nirca.

Marcos 4:1

Jesusca cutinmi cucha c'uchupi yachachi callarirca. Chaimanca achcacuna pai yachachishcata uyangapaj tandanacumujpimi, Jesusca cuchapi caj barcoman huichiyashpa tiyarirca. Chaipi tandanacushcacunaca cucha uripimi uyacurcacuna.

Marcos 5:24

Chai runahuan Jesús ricujpica, achcacunami llapirinacushpa caticurcacuna.

Marcos 6:53

Ña cuchata ch'imbashpaca Genesaret llajtaman chayashpami, cucha uripi barcota huatarcacuna.

Lucas 12:1

Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca: –Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman.

Lucas 5:2

Chaimantaca chushajlla ishqui barcocuna yacu c'uchulla uripi cajtami, Jesusca ricurca. Chalhuata japijcunaca barcocunamanta uriyashpami, linchicunata tajshacurcacuna.

Lucas 8:22

Shuj punllami Jesusca paipaj yachacujcunandij, barcoman yaicushpaca: –Cai cucha ch'imbanijman jacuchij– nishpa rircacuna.

Lucas 8:23

Cuchata ch'imbacujpimi, Jesusca dormirirca. Chai cuchapica, huairandij tamya ñapish jatarijpimi, yacuca barcopi jundai callarijpi llaqui tucugrircacuna.

Lucas 8:33

Supaicuna chai runamanta llujshishpa cuchicunapi yaicujpimi, chai canlla cuchicunaca c'aca quinrita singushpa cuchapi huashicushpa huañurcacuna.

Lucas 8:45

Chaimi Jesusca: –¿Pitaj ñucapi tuparinchu imamí?– nijpi tucui chaipi cajcunaca pi mana tuparinchijchu ninacujpi Pedropish, paihuan cajcunapish: –Yachachij, cai tucuicuna t'angarinacushpa llapirinacucushca jahuachu: “¿Pitaj ñucapi tuparinchu ningui imamí?”– nircacuna.

Juan 1:40

Bautizaj Juan chashna nijta uyashpa Jesusta catishpa rij ishquicunamanta shujca, Simón Pedropaj huauqui Andresmi carca.

Juan 6:1

Chai q'uipaca Jesusca, Galilea cucha ch'imba lado urimanmi rirca. Chai cucha urica Tiberias shutimi carca.

DEUTERONOMIO 3:17

Inti llujshinman caj Arabá llajtatapish inti llujshinman caj Pisga llajtatapishmi curcani. Chai llajtapaj lindeca Jordán yacuhuan Cineret llajtaman rin ladota rishpa cachisapa cuchacamami.

Hebreos 13:7

Cancunata michijcunata yuyarichij. Paicunami cancunaman Diospaj Shimita yachachin. Paicuna crishpa ima shina caticushca shina cancunapish catichij.

JOSUÉ 12:3

Inti llujshin ladoman caj Arabá pambatapish, Cineret mama cuchacama, chaimantaca ura ladotaca Cachisapa cuchacama, Bet-jesimot ñan ura chaqui quinritaca ashtahuan urata Pisga shuti urcu chaqui quinricamami paillataj mandacurca.

JOSUÉ 13:27

Pugru pambapi caj Bet-aram, Bet-nimra, Sucot, Zafón pueblocunapishmi carca. Chai pueblocunaca Hesbonpi causaj jatun mandaj Sehón mandacushca pueblocunami carca. Jordán yacumanta inti llujshin ladoman caj llajtacunaca Cineret cuchacamami carca.