Lucas 4:8 - Dios Rimashca Shimicunami

⁸ Chaimi Jesusca: –Anchui caimanta Satanás. Quillcachishcapica: “Mandaj cambaj Taita Diosta adorangui, paipajllata rurangui” ninmi– nirca.

Mushuj Testamento Diospaj Shimi

⁸ Chashna nijpimi, Jesusca: —Satanás, caimanta anchui. Dios Quillcachishcapica: “Canta Mandaj Diosllata adorangui, Pai munashcallata rurangui” ninmi— nircami.

Lucas 4:8 Iomraidhean Croise

2 REYES 19:15

Ezequiasca Mandaj Diospaj ñaupajpica cashna nishpami mañarca: “Israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish, cai pachatapish canmi rurarcangui.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

ISAÍAS 2:11

Jatun tucushca ñahuicunaca cumurichishcami canga. Jatun tucushcacunaca pingachishcami canga. Chai punllapica, Mandaj Diosllami jatunyachishca canga.

Mateo 16:23

Ashtahuanpish Jesusca tigrarishcahuanmi Pedrotaca: –¡Ñuca ñaupajmanta anchui, Satanás! Ñuca ñitcanami tucungui. Dios imata pajtachisha nicushcataca mana entendi tucunguichu. Ashtahuanpish runacunapaj yuyaillatami entendi tucungui– nircami.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Lucas 4:4

Chaimi Jesusca: –Quillcachishcapica: “Runaca mana tandallahuan causangachu. Ashtahuanpish Dios rimashca tucui shimicunahuanmi causanga” ninmi– nirca.

Lucas 4:7

Can ñucata cungurishpa adorajpica, tucui caicunaca cambajmi canga– nirca.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 6:13

Mandaj Dios cambaj Taita Diosllata manchangui, paipajllata rurangui. Imatapish paipaj shutillapi pajtachishami ningui.

Santiago 4:7

Chaimanta Diosta cazuichij, diablotaca ama ricunachichijchu. Chashna rurajpica paica miticungallami.

1 Pedro 5:9

Cai pachapi tucui crijcunapish cancuna apacushca llaquicunallatataj apacushcata yachashcamanta, crishcapi sinchiyashpa diablotaca mishaichij.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.

1 SAMUEL 7:3

Chaimi Samuelca tucui israelcunataca: “Cancuna tucui shunguhuan Mandaj Diospajmantaj tigrarishpaca, shujtajcunapaj dioscunata, Astarot huarmi diosta cancunapuramanta anchuchishpa tucui shunguhuan Mandaj Diospajlla tucushpa paipajta ruraichij. Chaimi filisteocunapaj maquimantaca quishpichinga” nirca.