Lucas 4:6 - Dios Rimashca Shimicunami

⁶ Chaita ricuchishpami diabloca: –Cai pachapi tiyaj tucui llajtacunata mandaj canata, chaipi imalla tiyaj sumajcunatapish canmanmi cusha. Tucui caicunataca ñucamanmi curca. Piman cusha nishcaman cui tucunimi.

Mushuj Testamento Diospaj Shimi

⁶ Chai huashaca, cashnami nirca: —Cai tucui sumaj, jatun llajtacunata mandanataca, Canmanmi cusha. Tucui caicunataca ñucamanmi curca. Ñucapaj cashcamantaca, ñuca piman cusha nishpaca cushallami.

Lucas 4:6 Iomraidhean Croise

ESTER 5:11

Paicunahuanmi Amanca, pai yallitaj charij cashcatapish, achca churicunata charishcatapish parlacurca. Shinallataj jatun mandajca, pai churashca tucui mandajcunamanta ashtahuan alli nishca canapica paillata churashcatapishmi parlacurca.

ISAÍAS 23:9

Paicunapaj chashna cashcahuan jatun tucushcacunata pingachingapajmi, tucuita Mandaj Dios chashna tucuchun mandashca. Cai pachapi causaj jatun tucushcacunata cumurichingapajmi chashna rurasha nishca.

ISAÍAS 5:14

Chaimi seolpish tiyashcata millpungapaj huijsata jatunyachinga. Shimitapish yallitajmi pascanga. Chaimanca paicuna sumaj cashcandij, achcacunandij, cushicujndij, paicuna cushicushcandijmi uriyangacuna.

Lucas 4:7

Can ñucata cungurishpa adorajpica, tucui caicunaca cambajmi canga– nirca.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

2 Corintios 11:14

Chaicunataca, imata mana manchachinchu. Satanasllatajpish, achij nicuj ángel shina tucunllami.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

1 Pedro 1:24

Quillcachishcapica: “Tucui gentecunaca, q'uihua shinallami. Paicuna sumaj cashcapish, q'uihua sisa shinallami. Quihua chaquirijpica, sisapish urmanllami.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.