Lucas 4:41 - Dios Rimashca Shimicunami

⁴¹ Supaicunapish achcacunamanta llujshishpaca: –¡Canca, Diospaj Churimari cangui!– nishpami caparircacuna. Jesustaca Cristo cashcata yachajpimi, supaicunataca: –Upalla caichij– nishpa paicuna rimachunca mana saquirca.

Mushuj Testamento Diospaj Shimi

⁴¹ Achcacunamantami supaicunapish: «¡Canca, Diospaj Churimari cangui!» nishpa, caparirishpa llujshircacuna. Quishpichij Cristo cashcata yachashpa, chashna rimai callarijpimi, Jesusca sinchita jarcashpa paicunataca mana rimajta saquirca.

Lucas 4:41 Iomraidhean Croise

Mateo 26:63

Ashtahuanpish Jesusca imata mana nijpimi curacunata mandajca: –Causaj Diospaj shutipimi nini. ¿Canca Diospaj Churi, Cristotajchu cangui? ñucanchijman huillaiyari– nircami.

Mateo 4:3

Pandachij diablo paipajman c'uchuyashpaca: –Taita Diospaj Churitaj cashpaca, cai rumicunata tanda tucuchun niyari– nijpimi,

Mateo 8:16

Ña tutayacuitaca, supai japishca achcacunatami Jesuspajman pushamurcacuna. Paica rimashcallahuanmi supaicunataca llujshichirca. Tucui ungushcacunatapish alliyachircami.

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

Mateo 8:4

Chaimi Jesusca: –Riqui, canta pi alliyachishcata pajta piman huillanguiman. Curaman ricuchigri. Can alliyashcamantaca Moisés mandashca shina ofrendata cugri. Chashna rurajpimi curacunaca can alliyashca cashcata yachangacuna– nircami.

Marcos 1:25

Jesusca: –¡Upalla cai, cai runamanta llujshi!– nishpa sinchita rimajpimi,

Marcos 1:32

Inti huashicushpa tutayacujpica, tucui ungushcacunata, supai japishcacunatapishmi Jesuspajman pushamurcacuna.

Marcos 1:34

Jesusca ima ungüihuan cajcunatapish achcacunata alliyachirca. Supai japishcacunatapish supaicunata llujshichircami. Jesusca, pai pi cashcata yachajpimi, supaicunataca mana rimajta saquirca.

Marcos 3:11

Millai espiritucuna japishcacunapish Jesusta ricushpaca, paipaj ñaupajpi cungurishpa cumurishpaca: –¡Canca Taita Diospaj Churimi cangui!– nishpami caparircacuna.

Lucas 4:39

Jesusca chai ungushcapajman rishpa cumurishpaca: –Cai ungüi, anchui– nishpami rimarca. Ungüi anchujpica chai huarmica jatarishcahuan paicunaman cararcallami.

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Santiago 2:19

Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi.