Lucas 4:4 - Dios Rimashca Shimicunami

⁴ Chaimi Jesusca: –Quillcachishcapica: “Runaca mana tandallahuan causangachu. Ashtahuanpish Dios rimashca tucui shimicunahuanmi causanga” ninmi– nirca.

Mushuj Testamento Diospaj Shimi

⁴ Chashna nijpi Jesusca: —Dios Quillcachishcapica: “Runacunaca mana tandallahuanchu causan, ashtahuanpish Taita Dios rimashca tucui shimicunahuanpishmi causan” ninmi— nircami.

Lucas 4:4 Iomraidhean Croise

ÉXODO 23:25

Mandaj cancunapaj Diospajta ruranguichij. Paimi cambaj micunatapish, yacutapish alli cashca cachun ninga. Cancunamantaca ñucami tucui ima ungüicunatapish anchuchisha.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

JEREMÍAS 49:11

Cancunapaj huahuacunataca ñucaman saquichijlla, ñuca huiñachishallami. Viuda huarmicunapish ñucapi shunguta churachunlla” ninmi.

Mateo 4:4

Jesusca: –Quillcachishcapica: “Runaca mana tandallahuan causangachu. Ashtahuanpish Taita Diospaj shimimanta llujshishca shimicunahuanmi causanga” ninmi– nirca.

Mateo 6:31

Shina cajpica: “¿Imatataj micushun, imatataj ubyashun, imatataj churashun?” nishpa, ama chai yuyailla huañuricuichijchu.

Lucas 22:35

Chai q'uipami Jesusca: –Cancunataca muchila illajllata, cullqui illajllata, pargate illajllatami cacharcani. Chaipica ¿ima illarcachu?– nijpi, yachacujcunaca: –Mana ima illarcachu– nircacuna.

Lucas 4:10

Quillcachishcapica: “Canta cuidachun Diosca paipaj angelcunata cachangami.

Lucas 4:3

Yaricaihuan cajpimi diabloca: –Diospaj Churitaj cashpaca, cai rumita tanda tucuchun niyari– nirca.

Lucas 4:8

Chaimi Jesusca: –Anchui caimanta Satanás. Quillcachishcapica: “Mandaj cambaj Taita Diosta adorangui, paipajllata rurangui” ninmi– nirca.

Efesios 6:17

Cascota churarishca shinaca, quishpichishca cashcata yuyaichij. Espiritupaj espadatapish chariraichij. Chaica Diospaj shimimi.

DEUTERONOMIO 8:3

Yaricaihuanmi llaquichirca. Q'uipataca cancunapish cancunapaj ñaupa yayacunapish mana rijsishca maná tandatami cararca. Chaitaca runaca mana tandallahuan causana cashcata, ashtahuanpish Mandaj Diospaj shimimanta llujshishca shimicunahuan causana cashcata yachachingapajmi chashna rurarca.