Lucas 4:34 - Dios Rimashca Shimicunami

³⁴ cashna nirca: –Nazaretmanta Jesús, ¿imatataj ñucanchijtaca nij shamungui? ¿Llaquichingapajchu shamungui? Ñucanchijtaca ama imata nishpa saquihuai. Ñucaca pi cashcata cantaca rijsinimi, canca Jucha Illaj Diospajmanta shamushcami cangui– nirca.

Mushuj Testamento Diospaj Shimi

³⁴ —¡Nazaretmanta Jesús, ñucanchijta saqui! ¿Ñucanchijtaca imata ninamantaj shamungui? ¿Chingachingapajchu shamungui imatagari? Cantaca, Diospajlla cashcata, jucha illaj cashcata rijsinimari— nircami.

Lucas 4:34 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

1 REYES 17:18

Chaimi chai huarmica Eliastaca: –Diospaj runa, ¿ñuca canta imata rurashca cajpitaj llaquichingui? Ñuca juchacunata ñucaman yuyachishpa, ñuca churita huañuchingapajllamari shamushcangui– nircami.

SALMOS 16:10

Ñuca almataca Seolpica mana saquinguichu. Cambajlla caj ñuca aicha ismuchunpish mana saquinguichu.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

Marcos 1:24

–Nazaretmanta Jesús, ¿imatataj ñucanchijtaca nij shamungui? ¿Chingachingapajchu shamungui? Cantaca pi cashcata yachanimi. Jucha Illaj Taita Diospajmanta shamushcami cangui– nirca.

Marcos 1:34

Jesusca ima ungüihuan cajcunatapish achcacunata alliyachirca. Supai japishcacunatapish supaicunata llujshichircami. Jesusca, pai pi cashcata yachajpimi, supaicunataca mana rimajta saquirca.

Marcos 5:7

shinchita caparishpami: –Jahua pachapi caj Taita Diospaj Churi Jesús ¿imatataj nij shamungui? Taita Diospaj shutipimi rogani. ¡Ñucataca ama llaquichipaichu!– nirca.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 4:33

Sinagogapica, millai espíritu japishca shuj runami tiyarca. Paica sinchita caparishpami,

Lucas 4:41

Supaicunapish achcacunamanta llujshishpaca: –¡Canca, Diospaj Churimari cangui!– nishpami caparircacuna. Jesustaca Cristo cashcata yachajpimi, supaicunataca: –Upalla caichij– nishpa paicuna rimachunca mana saquirca.

Lucas 8:28

Jesusta chai runa ricushpaca, paipaj ñaupajpi urmashpami: –Jahua pachapi caj Taita Diospaj Churi Jesús ¿imatataj nij shamungui? Ama ñucata llaquichihuaichu– nishpami sinchita caparirca.

Lucas 8:37

Chaita uyashpaca tucui chai muyundij llajtamanta rij gadarenocunami achcata mancharishpa, Jesustaca caimanta ripailla nijpi Jesusca, barcopi yaicushcahuan tigrashpa rirca.

Hechos 16:39

Mandajcuna shamushpaca: –Ñucanchijca cancuna romanocuna cashcataca mana yachashcanchijchu. Cunanca cai pueblomanta llujshishpa ripaichijlla– nircacuna.

Hechos 2:27

Ñuca almataca Hadespi mana saquinguichu. Jucha illaj cambaj runataca ismuchun mana saquinguichu.

Hechos 3:14

Cancunaca ima Jucha Illaj, Cashcata Rurajtaraj mana cacharichishpami, huañuchij runataraj cacharichun mañarcanguichij.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

Santiago 2:19

Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin: