Lucas 4:23 - Dios Rimashca Shimicunami

²³ Chaimi Jesusca: –Cai nishcahuanca, ñucanchij nij cashca shinallatajmi: “Jambij runa, canllataj jambiriyari” nij shinachari. Capernaumpi ñuca imallata rurashcata uyashcamantaca, cai cambaj llajtapipish chai shinallataj ruraiyari ninguichij– nirca.

Mushuj Testamento Diospaj Shimi

²³ Shina nijpimi, Jesusca: «Nijcunapaj shimimantaca cancunaca: “Jambij, can quiquinllataj jambiriari” nishcatachari yuyarishpa tiyacunguichij. Chai yuyaipi nishca shinaca: “Capernaumpica, achca milagrocunatami rurashcata uyashcanchij. Cai, Cambaj llajtapipish chaitaca rurairi” nicunguichijchari» nircami.

Lucas 4:23 Iomraidhean Croise

Mateo 13:54

Paipaj quiquin llajtaman shamushpami, chai llajtapi cajcunapaj sinagogacunapi yachachirca. Pai yachachishcamanta chai llajtapi causajcuna mancharinacushpaca: –¿Caica, maipishi cai shina yachaitaca yachamun? ¿Ima shinashi cai milagrocunatapish ruran?

Mateo 4:13

Paica Nazaretpica mana saquirishpami cucha uripi caj Zabulón, Neftalí llajtacuna chaupipi caj Capernaumpi causagrirca.

Mateo 4:23

Jesusca, tucui Galileata rishpami paicunapaj sinagogacunapi yachachishpa, Taita Dios mandana alli huillaita huillashpa, tucui laya ungüihuan cajcunatapish, ima nanaihuan cajcunatapish tucuicunata alliyachirca.

Marcos 6:1

Chaimanta Jesús llujshishpaca, paipaj quiquin llajta Nazaretmanmi paipaj yachacujcunandij rirca.

Lucas 2:39

Jatun Dios mandashcata tucuita pajtachishpami, Joseca Mariandij Galileapi caj paicuna causacushca Nazaret puebloman tigrarcacuna.

Lucas 2:51

Jesusca Nazaretman paicunahuan tigrashpaca, tucui ima nishcatapish cazushpami causarca. Paipaj mamaca, tucui imalla tucujta ricushpaca paipaj shungupimi huaquichishpa catirca.

Lucas 4:16

Chai q'uipami Jesusca pai huiñashca Nazaretman rirca. Samana punllapica sinagogaman rij cashca shinallataj rishpami chaiman yaicurca. Chaipica Quillcachishcata rezangapajmi shayarirca.

Lucas 4:31

Chai q'uipaca Galileapi caj Capernaum pueblomanmi Jesusca uriyarca. Chaipica samana punllacunapimi yachachicurca.

Lucas 4:35

Chaimi Jesusca: –¡Upallai, cai runamanta llujshi!– nishpami sinchita rimarca. Chaimi supaica tucuicunapaj chaupipi pambaman urmachishpa, imata mana llaquichishpa paimantaca llujshirca.

Lucas 6:42

Cambaj ñahuipi jatun caspi tiyacujta mana anchuchishpaca ¿ima shinataj huauquitaca: “Huauqui, cambaj ñahuipi tiyacuj ujshata shuyai llujshichisha” ninguiyari? Mishqui shimi jayaj shungu, cambaj ñahuipi tiyacuj caspitaraj llujshichiyari. Chashnami huauquipaj ñahuipi tiyacuj ujshataca alli ricushpa llujshichingui” nircami.

Juan 4:28

Chai huarmica paipaj puñuta saquishpami, puebloman rishpa chaipi cajcunaman cashna nirca:

2 Corintios 5:16

Cunanca ñucanchijca pita mana ñaupa causaipi yuyashca shinaca yuyanchijchu, Cristotapish ñaupamanca aicha yuyashca shina yuyashca cashpapish cunanca mana chashna yuyanchijchu.