Lucas 4:22 - Dios Rimashca Shimicunami

²² Sumaj shimicunallata Jesús rimajta uyashpaca, tucuicuna mancharinacushpami paica allitamari nin nircacuna. Ashtahuanpish: –¿Manachu caica Josepaj churilla? nishpami parlanacurcacuna.

Mushuj Testamento Diospaj Shimi

²² Jesusmantaca, tucuicunami alli runa cashcata parlanacurcacuna. Shinallataj chai sumaj shimicunata huillashcamantacarin, mancharircacunami. «¿Jalachij, caica Josepaj churitaj shiná?» ninacurcami.

Lucas 4:22 Iomraidhean Croise

SALMOS 45:2

Tucui c'aricunata yalli sumajmi cangui. Quiquinpaj shimimantaca sumaj shimicunami talliricun. Chaimantami Taita Diosca quiquintaca huiñaipaj alli nishca.

SALMOS 45:4

Quiquinpaj sumaj canaca mirarishcamari. Mana llulla shimipi, mana jatun tucushca canapi, cashcata ruranapi caballopi tiyarij shina tiyariyari. Quiquinpaj alli lado maquimi mancharinacunata rurashpa poderyuj cashcata ricuchinga.

PROVERBIOS 10:32

Cashcata rurajca cushicunatami riman. Ashtahuanpish mana manchajcunaca, tucui laya millaitami rimancuna.

PROVERBIOS 16:21

Yachaisapa runataca alli yuyaiyuj cashcatami rijsincuna. Paicuna rimashca mishqui shimicunaca, yuyaita pascaj uyanajlla shimicunami.

PROVERBIOS 25:11

Yachanaihuan cajpitaj cunashca alli shimicunaca curi manzanata, cullqui platopi cushca shinamari.

ECLESIASTÉS 10:12

Yachaj runapaj shimicunaca, tucuicunapaj uyanajllami. Ashtahuanpish rumi shungu runataca, paipaj shimillataj llaquipi churanllami.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

ISAÍAS 50:4

Shaicushcacunata sumaj shimicunahuan samachichunca Mandaj Jatun Diosca ñucamanca yachaisapacunapaj c'allutami curca. Tucui tutamantacunami ñucataca rijchachin. Yachacuj shina uyachunmi ñuca rinrintapish rijchachin.

Lucas 2:47

Tucui tapushcacunata cutichishcata uyajcunaca, alli cutichijpimi, yuyaisapa cashcata ricushpa mancharircacuna.

Lucas 2:48

Chaipi cajta ricushpami yaya mamaca mancharircacuna. Chaimi paipaj mamaca: –Huahua ¿ima nishpataj cashnaca ruranguiyari? Yayapish, ñucapish achcata mancharishpamari mashcamunchij– nircami.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Lucas 4:21

Chaipimi Jesusca: –Cai Quillcapi nishcaca cunan punllamari cancunapaj ñaupajpi pajtan– nirca.

Juan 1:45

Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Juan 6:42

cashna nircacuna: –Caica ¿manachu Josepaj churi Jesús? Paipaj yaya mamatapish ñucanchijca rijsinchijmi. ¿Ima nishpataj cunanca: “Jahua pachamantami shamurcani” ninchu imamí?– nircacuna.

Juan 7:46

paicunaca: –¡Chai runa shinatajca pi mana rimashcachu!– nircacuna.

Hechos 6:10

Taita Diospaj Espíritu yachachijpi rimacujpimi, paihuanca mana ch'imbapurai tucurcacuna.

Tito 2:8

Mana juchachipaj sumaj shimicunahuan rimangui. Chashna cajpimi p'iñajca, pingarishpa cancunataca mana allicunami nishpa mana juchachi tucunga.