Lucas 4:18 - Dios Rimashca Shimicunami

¹⁸ “Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Mushuj Testamento Diospaj Shimi

¹⁸ «Mandaj Diospaj Espiritumari Ñucapi tiyacun, caicunata rurachunmi, Paitaca Ñucapi churarca: Huajchacunaman alli huillaita huillachun, Shungu pʼaquirishcacunata alliyachichun, ‘Preźucunatapish llujshichij’ nishpa cacharichun, mana ricujcunapaj ñahuita pascachun, sarushca causacujcunatapish cacharichichun,

Lucas 4:18 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

2 CRÓNICAS 34:27

Cai llajtatapish, cai llajtapi causajcunatapish, ñuca llaquichina cashcata chai quillcapi huillacushcata uyashpaca, shungu p'aquirishpami ñuca ñaupajpi llaquirircangui. Chashna llaquirishpami tucui shunguhuan chaipi cambaj yuyaita churashpami ñuca ñaupajpica cumurircangui. Chashna llaquirishpami ñucallata cazuna yuyai tucurcangui. Shinallataj can churarishcata lliquirishpami ñuca ñaupajpi cumurishcata ricuchingui. Can chashna llaquirishcataca uyanimi ninmi Mandaj Diosca.

SALMOS 102:20

Prezu cajcuna aij nishpa mañashcata uyangapajmi ricurca. Huañunami cangui nishca prezucunata cacharichingapajmi ricurca.

SALMOS 147:3

Paimi shungu p'aquirishcacunataca alliyachin. Paicunapaj chugricunatapish paimi jambishpa pilluchin.

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

SALMOS 2:6

“Ñucapajlla caj Sión urcu jahuapi mandachunca ñuca churashca jatun mandajtami churarcani.”

SALMOS 34:18

Mandaj Diosca shungupi llaquilla cajcunapaj c'uchullapimi. Espiritupi llaquilla cajcunata quishpichinmi.

SALMOS 45:7

Quiquinca cashcata ruranatami c'uyangui. Millaita ruranataca p'iñanguimi. Chaimi Taita Diosca quiquintaca agllarca. Quiquinpaj Taita Diosca cushichina aceitehuan churashpami agllarca. Quiquinhuan alli apanacujcunamanta yallipimi churarca.

SALMOS 51:17

Taita Diosman animalta cushpa rupachina shinaca, shungu p'aquirishca paiman c'uchuyanami. Taita Dioslla, shungu llaquirishca, mana jatun tucushca quiquinpajman c'uchuyajpica mana yanganchinguichu.

ISAÍAS 32:3

Paita ricujcunapaj ñahuicunaca, mana amsayangachu. Paita uyajcunapaj rinrincunaca allimi uyaracungacuna.

ISAÍAS 35:5

Ñahui mana ricujcunapaj ñahuicunatapish pascashcami canga. Mana uyajcunapaj rinrincunatapish pascashcami canga.

ISAÍAS 42:7

Mana ricujcunapaj ñahuita pascachunmi churasha. Carcelmanta prezucunata llujshichichunmi churasha. Prezuna huasicunapi causacujcunata, amsapi causacujcunata llujshichichunmi churasha.

ISAÍAS 45:13

Ciromanca ñucami allita rurana yuyaita curcani. Llaquichina yuyailla cajtapish ñucami allichircani. Paimi ñuca pueblotapish cutin shayachinga. Ima cullquita, ima camarita mana japishpami, ñuca agllashcacunata prezu apashcacunataca tigrachishpa cachanga” ninmi tucuita Mandaj Diosca.

ISAÍAS 49:9

prezupi cajcunatapish llujshichij nichun, amsapi cajcunatapish achijman llujshichij nichunmi cantaca cachasha. Paicunaca tucui ñancunapimi michinacunata charingacuna. Mai urcucunapi cashpapish, paicunapaj animalcunapajca alli micunatami charingacuna.

ISAÍAS 50:4

Shaicushcacunata sumaj shimicunahuan samachichunca Mandaj Jatun Diosca ñucamanca yachaisapacunapaj c'allutami curca. Tucui tutamantacunami ñucataca rijchachin. Yachacuj shina uyachunmi ñuca rinrintapish rijchachin.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

ISAÍAS 66:2

Tucui caicunataca ñuca maquimi rurarca. Chaimantami tucui tiyai callarirca ninmi Mandaj Diosca. “Shina cajpipish ñucaca huajchacunapi, mana jatun tucushcacunapi, ñuca mandashcata manchaihuan cazujcunapimi ñuca ñahuita churani.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

SOFONÍAS 3:12

Cai pueblopica imata mana yachajcunata, huajchacunallatami saquisha. Paicunami Mandaj Dios ñucallapi shunguta churangacuna.

ZACARÍAS 11:11

Chai punllamantami ari ninacushcata pajtachinaca chingarirca. Chaimantami ñucata ricuracuj canlla ovejitacunaca Mandaj Diospaj shimitaj cashcata yachaj chayarcacuna.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 12:18

“Paica ñucapajta rurajmi. Paitaca ñucami agllarcani. Paica ñuca c'uyashcami, paillami ñuca munashcata ruraj. Ñuca Espiritutaca, paipaj jahuapimi churasha. Paica cashcata rurashpa ñuca mandana cashcatami, mana israelcunaman huillanga.

Mateo 12:20

P'aquirinalla carrizotapish, mana p'aquingachu. Huañunalla cushnicuj mechatapish, pai tucuita mishashpa mandana punllacama mana huañuchingachu.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Lucas 4:17

Chaipica profeta Isaías quillcashca librotami curca. Chai librota japishpa pascashpaca, cashna nicujtami japirca:

Lucas 6:20

Jesusca, paipaj yachacujcunata ricushpaca cashnami nirca: “Huajchacunaca, cushichishcami canguichij. Taita Dios mandagrinca cancunapajmi.

Lucas 7:22

Chaimi Jesusca: –Richij, cancuna imata ricushcata, uyashcata, ñahui mana ricujcuna ricushcata, cojocuna purishcata, leprahuan cajcuna alliyashcata, mana uyajcuna uyashcata, huañushcacuna causarishcata, huajchacunamanpish alli huillaita huillashcata bautizaj Juanmanca huillagrichij.

Juan 1:41

Andresca paipaj huauqui Simonhuanraj tupashpaca: –Mesiashuanmari tupashcanchij– nircami. (Mesías nishcaca: “Cristo” nisha ninmi).

Juan 12:46

Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 4:26

Cai pachata jatun mandajcunapish, llajtacunata mandajcunapish Jatun Diostapish, pai cachashca Cristotapish p'iñashpami shuj yuyailla tandanacun” nishcami.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.