Lucas 4:1 - Dios Rimashca Shimicunami

¹ Jesusca jucha illaj Espirituhuan jundami Jordán yacumantaca tigrarca. Diospaj Espirituca shitashca pambamanmi pusharca.

Mushuj Testamento Diospaj Shimi

¹ Jesusca Jordán yacumantaca, jucha illaj Espirituhuan jundami tigrarca. Paitaca, Diospaj Espiritumi shitashca pambaman pusharca.

Lucas 4:1 Iomraidhean Croise

1 REYES 18:12

Ashtahuanpish ñuca caimanta rishpa Acabman huillashpa tigranapajca, Mandaj Diospaj Espiritumi cantaca ñuca mana yachai tucuipaj mai shujtajman apanga. Chaipica canta mana japishpaca ñucatamari huañuchinga. Cambajta ruraj ñucaca, huambramantapachamari Mandaj Diosta tucui shunguhuan manchashpa causani.

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

EZEQUIEL 3:14

Diospaj Espiritumi ñucataca japishpa jatarichirca. Chaimantaca ñucaca huacashpami rircani. Ñucaca achcatami p'iñarircani. Chashna cajpipish Mandaj Diosca, paipaj maquihuanmi ñucataca sinchita charirashpa pusharca.

Mateo 3:16

Jesusca ña paita bautizajpi yacumanta llujshishcahuanmi, jahua pacha pascarijpi Taita Diospaj Espirituca paloma shina shamushpa paipaj jahuapi tiyarijta ricurca.

Lucas 2:27

Simeonca Diospaj Espíritu pushajpimi Diospaj huasiman shamurca. Chaipimi yaya mamaca mandashcapi nishcata pajtachingapaj, huahua Jesustaca Diospaj huasiman apamujpi,

Lucas 3:3

Chaimi Juanca, Jordán yacu c'uchulla tucui llajtacunata rishpa, Diosman cutirishpa bautizarichij. Juchacunata perdonachun nishpa huillarca.

Lucas 3:38

Cainanca, Enospaj churimi carca. Enosca, Setpaj churimi carca. Setca, Adanpaj churimi carca. Adanca, Diospaj churimi carca.

Lucas 4:14

Jesusca Diospaj Espirituhuan imatapish rurai tucujmi Galileamanca tigramurca. Paimantaca tucui muyundij llajtacunapimi, huashan huashan huillanacushpa yachaj chayachircacuna.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Juan 1:32

Juanca pai ricushcataca cashnami huillarca: –Jahua pachamanta Taita Diospaj Espíritu paloma shina uriyamushpa paipaj jahuapi saquirijtami ricurcani.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Hechos 1:2

jahua pachaman rina punllacama pai imallata rurashcataca ñami quillcarcani. Paica manaraj jahua pachaman rishpami pai agllashca apostolcunataca jucha illaj Espirituhuan imallata rurana cashcata mandarca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 8:39

Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami.