Lucas 3:9 - Dios Rimashca Shimicunami

⁹ Mana p'ucuj yurataca sapimanta p'itishpami rupachin. Chashnallatajmi Diospish chai yura shina mana p'ucujcunata urmachingapaj hachataca yura sapipi ña churashca– nircami.

Mushuj Testamento Diospaj Shimi

⁹ Yurata sapimanta urmachingapaj ñami hachataca, yura sapipi churashpa charicun. Mana pʼucuj yuracunataca, tucui urmachishpa ninapi shitashpa rupachingami— nircami.

Lucas 3:9 Iomraidhean Croise

EZEQUIEL 31:18

Can chashna sumaj cashcata, jatun cashcataca ¿Edén huertapi tiyaj maijan yurahuantaj ch'imbapurarcanguiyari? Shina cashpapish Edén huertapi tiyaj yuracunandijllatajmi, allpa ucupi shitashca cangui. C'aricuna charishca aicha mirga carata mana p'itishcacunataca, espadahuanmi huañuchircacuna. Chaicunahuanmi sirigringui. Faraonpish, tucui cai llajtapi causajcunapish chashnami tucungacuna” nircami Mandaj Jatun Diosca.

DANIEL 4:14

Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

DANIEL 4:23

Jatun mandaj canca, jucha illaj shuj cuidaj jahua pachamanta uriyamucujtapishmi ricurcangui. Paica cashnami nirca: Chai yurata p'itishpa chingachichij. Ashtahuanpish chai yurapaj asha troncondij sapicunandijca chaillapitaj saquichijlla. Fierro cadenacunahuan, bronce cadenacunahuan huatashpa q'uihua chaupipi saquichij. Jahua pacha garhua shutujyachichun. Animalcunahuan q'uihua chaupipi causashpa q'uihuata micuchun. Canchis huatacama chashna cachun saquichij nijtami uyarcangui.

Mateo 3:10

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Mateo 7:19

Mana alli granota p'ucuj yurataca, tucuicunatami p'itishpa ninapi shitan.

Lucas 13:6

Cai yuyachij parlotapishmi cashna parlarca: “Shuj runami, paipaj uvas chagrapi higo yuratapish tarpushpa charirca. Paica p'ucushca granota mashcanaman shamushpaca, imata mana japishpaca,

Lucas 13:7

uvas chagrata cuidajtaca: “Ña quimsa huata cajpimari, cai yurapi granota mashcaj shamurcani, manamari japinichu. ¿Imapajtaj yanga cai allpapica shayacungalla? ¡P'itishpa shitai!” nirca.

Lucas 13:9

Chaipi p'ucujpica allimi canga, chaipipish mana p'ucujpica p'itishpa shitangui” nirca.

Juan 15:6

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.

Hebreos 10:28

Moisés Mandashcata maijan mana cazujtaca ishqui cashpa, quimsa cashpa ricushcata huillajpica, mana llaquishpami huañuchin.

Hebreos 12:29

Ñucanchij Diosca rupachishpa tucuchij nina shinamari.