Lucas 3:8 - Dios Rimashca Shimicunami

⁸ Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Mushuj Testamento Diospaj Shimi

⁸ Cancuna Diospajman cutirishcataj cashpaca, allita rurashpa causaichigari. “Ñucanchijca, yaya Abrahampaj huahuacunamari canchij” niringuichijchari. Chashna yuyacujpipish, cancunataca cashnami nini: Taita Dios munashpaca, cai rumicunatapish Abrahampaj huahuacunata rurai tucunmari.

Lucas 3:8 Iomraidhean Croise

NEHEMÍAS 5:11

Cunanca paicunamanca paicunapaj allpacunata, uva chagracunata, olivos yuracunata, huasicunata tigrachichunmi rogani. Cullquimanta cashpa, granomanta cashpa, vinomanta cashpa, aceitemanta cashpa mashna cullquita japicushca cashpaca ashtahuanpish allpayujmanca patsajmanta shujtami tigrachina canguichij” nircanimi.

EZEQUIEL 33:24

“Huañujlla aichayuj runalla, chai llaquinayaj llajtapi causaj israelcunaca cashnami rimancuna: Abrahamca pailla cashca jahuami cai llajtataca japirca, ñucanchijcarin achcacunamari canchij. Maitataj cai llajtataca mana japishunri nincunami.

Mateo 21:43

Chaimanta cashnami nini: Dios mandacunpi cancuna cana cashcata quichushpami, paipaj granota p'ucujcunaman cunga.

Mateo 3:8

Millaita ruracushcata saquishpa cutirishcata ricuchingapajca, allita rurashca p'ucushca granota ricuchichij.

Mateo 3:9

Cancunapaj ucu yuyaillapi: “Ñucanchijca Abrahamtami yayata charinchij nishpa” ama nirichijchu. Cashnami nini: Taita Diosca, cai rumicunatapish, Abrahampaj huahua huahuacuna cachun rurai tucunmi.

Lucas 13:25

Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami.

Lucas 13:26

Shina nijpica: “Canhuanmi micurcanchij, ubyarcanchij. Canllatajmari ñucanchij plazacunapipish yachachircangui” ninguichijmi.

Lucas 14:9

Paitapish, cantapish, cayaj bodayuj shamushpa: “Cai tiyarinata paiman cupai” nishpa jatarichijpica, pingai tucushpa huasha tucuri tiyarinapi tiyarigringuiman.

Lucas 19:40

Jesusca: –Caicuna upallajpica, rumicunami caparinga. Chaica chashnatajmi– nirca.

Lucas 19:9

Chaimi Jesusca: –Cunanmari cai huasimanca, quishpirina chayamushca. Paipish Abrahampaj huahua huahuamari.

Lucas 5:21

mandashcacunata quillcajcuna, fariseocunaca: “¿Caica pi cashpataj Diosta p'iñashpa c'amicunchu imamí? Pitaj juchacunataca perdonai tucungari. Diosllamari perdonai tucun” nishpa yuyacurcacuna.

Juan 8:33

paicunaca: –Abrahampaj huahua huahuacunamari canchij. Pipaj huatashca mana canchijchu. ¿Ima nishpataj canca: “Cacharichishcami canguichij” ninguiyari?– nircacuna.

Juan 8:39

Chaimi paicunaca: –Ñucanchij yayaca Abrahammi– nircacuna. Chaimi Jesusca: –Abrahampaj huahua huahuacuna cashpaca, Abraham rurashca shinallatajmi ruranguichijman.

Hechos 26:20

Chaimi Damascopi huillai callarishpaca, Jerusalenpipish, tucui Judeapipish huillarcani. Chai q'uipaca mana judiocunamanpishmimana allita ruracushcata saquishpa Taita Diosman cutirichij nishpa huillarcani. Taita Diosman cutirishcata ricuchingapajca allicunata ruraichij nircanimi.

Romanos 4:16

Chaimanta Dios cusha nishcataca, mana c'uyaipajta c'uyashpa cushca cachunmi, crijllapi pajtachin. Chaica Abrahampaj tucui huahua huahuacunapaj chashnataj cachunmi chashnaca pajtachin. Mana Mandashcata pajtachijcunapajllachu, ashtahuanpish Abraham crishca shina crijcunapajpishmi chashna pajtachin. Chaimantami Abrahamca tucui ñucanchijpaj yaya.

Romanos 9:7

Abrahampaj huahua huahuacuna cashpapish, manamari tucuicuna paipaj huahuacunatajchu. Ashtahuanpish: “Isaacmantami cambaj huahua huahuacunatajca canga” ninmi.

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.