Lucas 3:4 - Dios Rimashca Shimicunami

⁴ Chaica profeta Isaías quillcashca libropi nishca shinallatajmi tucurca. Chaipica cashnami nicun: “Shitashca pambapi caparijca: “Jatun Diospaj ñanta allichichij, chaqui ñancunatapish allichichij.

Mushuj Testamento Diospaj Shimi

⁴ Dios ima nishcata huillaj Isaías quillcashca libropi huillashca shinallatajmi tucushca. Paica cashnami nishca: «Shitashca pambapica, shuj runamari caparicun: “Mandaj Diospaj ñanta allichichij. Pai purichun, ama quingushpalla chaqui ñancunatapish ruraichij.

Lucas 3:4 Iomraidhean Croise

ISAÍAS 57:14

Chaipica: “Ñantaca llambujllata ruraichigari. P'ichaichigari. Ñuca agllashcacuna purichun ñitcarinacunata ñanmanta anchuchichij” ningami.

ISAÍAS 62:10

¡Pungucunata pasashpa pasashpa richigari. Ñuca agllashcacunapaj ñanta allichichigari. Rumilla ñancunataca sumaj llambujllata ruraichigari. Rumicunata anchuchichigari. Llajtacuna ricuchun banderata alzaichigari!

MALAQUÍAS 4:6

Paimi yayacunataca huahuacunahuan, huahuacunatapish yayacunahuan p'iñanacushpa causacujtaca, cutin c'uyanacushpa causachun allichinga. Ashtahuanpish cancuna ishquindij mana alli tucujpica, ñuca shamushpaca tucui cai llajtapi causajcunatami llaquichishpa tucuchisha ninmi”.

Mateo 3:3

Profeta Isaías huillashpaca, Juanmantami cashna nishca: “Shitashca pambapi caparijca: “¡Jatun Diospaj ñanta allichichij. Cancunapaj ñancunatapish allichichij!” ningami” nishcami.

Marcos 1:3

Shitashca pambapi caparijca: “Jatun Diospaj ñanta allichichij. ¡Cancunapaj ñancunatapish allichichij!” nishcami.

Juan 1:23

Chaimi Juanca: –Profeta Isaiasca shitashca pambapica: “Jatun Diospaj shamuna ñanta allichichij nishpami shuj runa caparicun” nishcami. Ñucaca chaimari cani– nircami.

Juan 1:7

Pai huillajpica tucuicuna crichunmi, chai luzmanta huillangapaj paica shamurca.