Lucas 3:21 - Dios Rimashca Shimicunami

²¹ Juanca paipajman shamujcunataca tucuicunatami bautizarca. Jesustapish bautizajpi Diosta Jesús mañacujpica, jahua pachami pascarirca.

Mushuj Testamento Diospaj Shimi

²¹ Achca gentecuna shamushpa bautiźaricujpica, Jesuspish Juanpajman shamushpa bautiźarircami. Ña bautiźarishpa Diosta Jesús mañacujpica, jahua pachami pascarirca.

Lucas 3:21 Iomraidhean Croise

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

Mateo 14:23

Chai tucuicunata cayacamachij nishca q'uipaca, Taita Diosta pailla mañangapajmi urcuman huichiyarca. Ña tutayajpipish Jesusca paillami chaipiraj carca.

Lucas 5:16

Ashtahuanpish Jesusca paicunamanta caruyashpami pi mana causan chulunllapi Diosta mañagrij carca.

Lucas 9:18

Chai q'uipami Jesusca Taita Diosta mañacujpi yachacujcuna paihuan cajpi Jesusca yachacujcunataca cashna tapurca: –Gentecunaca ¿pi cashcatataj ñucataca yuyancuna?– nijpi,

Juan 1:51

Cashnapish nircami: –Cunanmanta pachami cancunaca jahua pacha pascarishcata, Runa Aichayujpajman Taita Diospaj angelcuna huichiyacujta, uriyacujtapish ricunguichij. Chashnatajmi canga– nircami.

Hechos 1:22

Paicunaca Jesusta Juan bautizacushca punllamanta Jesús jahua pachaman ringacama purijcunami. Jesús causarishcata ñucanchijhuan huillaj cachun, paicunamanta maijantapish shujta agllanatajmi canchij– nircami.