Lucas 3:17 - Dios Rimashca Shimicunami

¹⁷ Trigo montonta chuyanapajca palaca ñami paipaj maquipi. Paipaj trigota tandashpaca huaquichinapimi churanga. Ujshataca manataj huañuj ninapimi rupachinga– nircami.

Mushuj Testamento Diospaj Shimi

¹⁷ Paica cai pachapi causajcunataca huairachishpa trigomanta ujshata chʼicanyachij shinami ñalla chʼicanyachinga. Trigota huasipi huaquichij shinami allicunataca quishpichinga; millaicunataca, ujshata shinami, mana huañuj ninapi rupachinga— nircami.

Lucas 3:17 Iomraidhean Croise

SALMOS 1:4

Ashtahuanpish millaicunaca mana chashnachu, paicunaca huaira apana t'amo shinallami.

ISAÍAS 30:24

Cancunapaj yapuj huagracunapish, burrocunapish palahuan aventashca jarnerohuan shushushca chuya granotami micunga.

JEREMÍAS 15:7

Ñuca agllashcacunaca llajtamanta llujshijta huairachishpa caita chaita cachajpipish, huahuacuna illajta saquijpipish, millaita ruranataca manataj saquincunachu.

MIQUEAS 4:12

Chashna nijcunaca Mandaj Dios imata yuyacushcatapish, imallata cunashcatapish manamari yacharcacunachu. Chashna millaicuna cashcamantami, gavillacunata erapi tandachij shina tandachirca.

Mateo 13:30

Tandana punllacama ishquindijtaj huiñachun saquichijlla. Tandana punllapimi tandajcunataca: Cizañataraj tandashpa huataichij rupachingapaj. Trigotaca ñuca huasipi huaquichichij” nircami” nishpami parlarca.

Mateo 3:12

Granota chuyanapaj palaca ñami paipaj maquipi. Paipaj trigotaca huaquichinapimi churanga. Ujshataca manataj huañuj ninapimi rupachinga” nircami.

Lucas 3:18

Cai shinapish, shujtaj shinapish cunashcacunahuanmi Juanca, chaipi cajcunamanca alli huillaitaca huillarca.