Lucas 24:51 - Dios Rimashca Shimicunami

⁵¹ Taita Dios cancunahuan cachun nishpa paicunamanta anchurijpica, jahua pachaman aparcallami.

Mushuj Testamento Diospaj Shimi

⁵¹ Paicunata bendiciashpa, paicunamanta raquirijpica, jahua pachaman aparcallami.

Lucas 24:51 Iomraidhean Croise

2 REYES 2:11

Paicuna chashna parlanacuihuan ricujpimi, nina lunyacuj caballocuna nina lunyacuj carrota aisashca shamushpa, ishqui ricujta ch'icanyachirca. Chaimi Eliasca shuj acapanapi jahua pachaman huichiyarca.

Marcos 16:19

Shinallataj Mandaj Jesús tucuita rimajpica, paitaca jahua pachamanmi aparca. Chaipica, Taita Diospaj alli ladopimi tiyarirca.

Lucas 24:50

Chai q'uipami Jesusca, Betania ch'imbanijman paipaj yachacujcunata pushashpa rishpaca, paicunapaj jahuaman maquicunata chutashpa Taita Dios cancunahuan cachun nirca.

Lucas 24:52

Jesusta adorashca q'uipaca jatunta cushicushpami paicunaca Jerusalenman tigrarcacuna.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Hechos 1:9

Tucui caicunata nishca q'uipami, paicuna ricucujpi Jesustaca jahua pachaman apajpi, paita p'uyu chasquishpa pacajpica, ña mana ricui tucurcacuna.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Hebreos 4:14

Ñucanchijca jahua pachacunata pasashpa rij, curacunata jatun pushaj curatami charinchij. Paica Diospaj Churi Jesusmi. Chaimanta ñucanchij crishpa caticushcataca alli catishunchij.