Lucas 24:48 - Dios Rimashca Shimicunami

⁴⁸ Chashna nishca shinallataj tucui imalla tucushcata ricushcataca cancunami huillana canguichij.

Mushuj Testamento Diospaj Shimi

⁴⁸ Chai quillcashca shinallataj tucujtaca, quiquin ñahuihuanmi ricushcanguichij.

Lucas 24:48 Iomraidhean Croise

Juan 15:27

Ñuca rurana cashcata callari pachamantami ñucahuan carcanguichij. Chaimantami cancunapish ñucamantaca huillanataj canguichij.

Hechos 1:22

Paicunaca Jesusta Juan bautizacushca punllamanta Jesús jahua pachaman ringacama purijcunami. Jesús causarishcata ñucanchijhuan huillaj cachun, paicunamanta maijantapish shujta agllanatajmi canchij– nircami.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 10:39

Ñucanchijca Judea llajtapi, Jerusalenpipish Jesús tucui imalla rurashcacunata ricushcata huillajcunami canchij. Paitaca caspipi huarcushpami huañuchircacuna.

Hechos 10:41

Mana tucuicunaman ricurircachu. Tucui imallata ricushcata huillachun Taita Dios ñaupaman agllashca ñucanchijllamanmi ricurirca. Huañushcacunapaj chaupimanta causarishca q'uipaca, ñucanchijca paihuanmi micurcanchij, ubyarcanchij.

Hechos 13:31

Paita causachijpica, paica Galileamanta Jerusalenman paihuan rijcunamanmi, tauca punllacunata ricurirca. Cunanca, paicunami tucuicunaman paita ricushcata huillacuncuna.

Hechos 2:32

Chai Jesustami Taita Diosca causachirca. Chaitami ñucanchijca tucui ricushcata huillajcuna canchij.

Hechos 22:15

Chaimanta canca imallata ricushcata, imallata uyashcataca tucui gentecunaman huillajmi cangui.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Hechos 4:33

Mandaj Jesús causarishcata paicuna ricushcataca, jatun poderhuanmi apostolcunaca huillarcacuna. Mana c'uyaipajta c'uyaica, tucui paicunapaj jahuapimi yallitaj carca.

Hechos 5:32

Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.

1 Pedro 5:1

Cancunapaj ancianocunatami yuyachisha nini. Ñucapish paicuna shinallataj ancianomi cani. Cristo llaquita apashcata ricushcata huillajmi cani. Ñucapish shamuj punlla sumaj ricurinapica, tucui cancunahuanmi alli sumaj ricurisha: