Lucas 24:47 - Dios Rimashca Shimicunami

⁴⁷ Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Mushuj Testamento Diospaj Shimi

⁴⁷ Chai huashaca Jerusalenmanta callarishpa, tucui llajtacunapimi: “ ‘Juchacunata anchuchichun Diospajman cutirichij’ nishpa, Paipaj shutipi huillashca canga” nishcamari.

Lucas 24:47 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

SALMOS 22:27

Tucui pachapi causajcunami, Mandaj Diosta yuyarishpa paiman cutiringacuna. Tucui laya aillucunami, paipaj ñaupajpi adorangacuna.

SALMOS 67:7

Taita Dios, ñucanchijtaca alli cashca cachun niyari. Tucui cai pachapi causajcuna manchachuncuna.

SALMOS 86:9

Jatun Dios, quiquin rurashca tucui llajtacunami quiquinpaj ñaupajman shamushpa adorangacuna. Quiquinpaj shutitami sumajyachingacuna.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

ISAÍAS 49:22

Mandaj Jatun Diosca cashnapishmi nin: “Riqui, llajtacunapica ñuca maquitami chutasha. Pueblocunapica ñuca banderahuanmi mandagrini. Chaipica cambaj churicunataca marcashpami apamungacuna. Cambaj ushushicunataca rigra jahuapimi pushamungacuna.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 5:4

Ñuca uva chagrataca ¿imatataj ashtahuan rurana carcari? ¿Imata ruranatataj mana rurashcani? Ñucaca alli uva p'ucujtamari shuyacurcani. ¿Ima nishpataj sacha uvata p'ucurcari?

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 52:15

Chai shinallatajmi achca llajtacunapish mancharingacuna. Jatun mandajcunapish paipaj ñaupajpica tucuicunami imata mana ni tucunga. Paicunaman pi mana parlashcatami uyangacuna. Maipi manataj uyashcatami yachaj chayangacuna.

JEREMÍAS 31:34

Chaipica c'uchullapi causajcunapurapish, huauquindijpurapish: Mandaj Diosta rijsi nishpa yachachinacuna mana cangachu. Ñucataca uchillamantapacha jatuncunacama, tucuicunami rijsingacuna. Ñucallatajmari paicunapaj tucui juchacunata perdonasha. Paicuna mana allita rurashcataca, manataj cutinca yuyarishachu” ninmi Mandaj Diosca.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

OSEAS 11:8

Efraín ¿maitataj cantaca saquishari? Israel cantaca shujtajcunapaj maquipica mana churai tucunichu. Cancunataca Adma pueblota shinapish mana llaquichi tucunichu. Zeboim pueblota shinapish mana llaquichi tucunichu. Cancunataca ñuca shungu rupajyashpamari jatun c'uyaihuan c'uyanayanlla.

OSEAS 2:23

Israelcunataca ñucapaj cachunmi cai llajtapi tarpusha. Lo-ruhamataca llaquishami. Lo-ammitaca: Canca ñuca agllashcami cangui nishami. Paica: Ñuca Taita Diosmi cangui ningami” ninmi nircami.

MIQUEAS 4:2

Achca llajtacunamanta tandanacushpami cashna ningacuna: “Mandaj Dios causacun urcuman huichiyashunchij. Jacobpaj Diospaj huasiman yaicushunchij. Chaipica alli ñanta purinatami yachachinga. Chashna yachachijpica, alli ñanpimi purishun” ningacunami. Sionmantaca mandashcacunami llujshinga. Jerusalenmantaca Mandaj Dios huillashca shimicunami llujshinga.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 9:13

“Sacrificiocunataca mana ninichu. Ashtahuanpish llaquij cachunmi munani” nishcaca imata nisha nishcataraj yachamugrichij. Ñucaca cashcata rurajcunataca mana cayaj shamurcanichu. Ashtahuanpish mana allita ruracushcata saquishpa cutirichunmi cayaj shamurcani– nircami.

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Hechos 10:43

Profetacunapish Jesusmanta huillashpaca, paita crijcunallatami juchacunata perdonanga nishpami tucuicunallataj huillarcacuna– nircami.

Hechos 11:18

Chaita paicuna uyashpaca, tucuicuna upallashpami Taita Diostaca cashna nishpa jatunyachircacuna: –¡Taita Diosca mana judiocunamanpish mana allita ruracushcata saquishpa paiman cutirina yuyaita cushpami paicunamanpish huiñai causaita cushca!– nircacunami.

Hechos 13:46

Chashna nicujpipish Pablohuan, Bernabehuanca mana manchashpami cashna nircacuna: –Cancunamanrajmi Taita Diospaj Shimitaca huillana carcanchij. Chashna cajpipish ñucanchij huillashcata mana uyashun nishpaca, huiñai causaitaca mana charinapaj cashcatami cancunallataj ricuchinguichij. Cunanca mana judiocunaman huillanaman rinchij.

Hechos 2:38

Pedroca: –Taita Diosman cutirichij, cancunapaj juchacunata perdonachun Taita Dios cusha nishca jucha illaj Espirituta chasquingapaj Jesucristopaj shutipi bautizarichij.

Hechos 20:21

Judiocunaman, mana judiocunamanpish mana allita ruracushcata saquishpa cutirichij, ñucanchijta Mandaj Jesucristota crichij nishpami huillacurcani.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Hechos 26:20

Chaimi Damascopi huillai callarishpaca, Jerusalenpipish, tucui Judeapipish huillarcani. Chai q'uipaca mana judiocunamanpishmimana allita ruracushcata saquishpa Taita Diosman cutirichij nishpa huillarcani. Taita Diosman cutirishcata ricuchingapajca allicunata ruraichij nircanimi.

Hechos 28:28

Chaimanta caita yachaichij: Cai quishpirinataca mana judiocunamanmi Diosca cachashca, paicunami uyangacuna– nircami.

Hechos 3:19

Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Hechos 5:31

Paitami Taita Diosca jatunyachishpa Mandaj cachun, Quishpichij cachunpish paipaj alli ladopi tiyachirca. Taita Diosca israelcunata Diosman cutirijta rurashpa paicunapaj juchacunata perdonangapajmi chashna rurarca.

Romanos 5:20

Jucha ashtahuan mirarichunmi, Mandashcaca yaicushca. Jucha ashtahuan mirarijpica, Dios mana c'uyaipajta c'uyanacarin yallitajmi mirarirca.

Efesios 1:6

Paipaj sumaj mana c'uyaipajta c'uyaj cashcata alabachunmi, paipaj c'uyashca Churimanta ñucanchijtaca chasquirca.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

1 Juan 2:12

Huahuacuna, cancunapaj juchacunataca Jesucristomanta perdonashca cajpimi, cancunamanca quillcani.