Lucas 24:44 - Dios Rimashca Shimicunami

⁴⁴ Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Mushuj Testamento Diospaj Shimi

⁴⁴ Ña micushca qʼuipaca, Jesusca paicunataca cashnami nirca: —Moisés Mandashcapipish, Dios ima nishcata huillajcuna Quillcashcapipish, Salmocunapi Ñucamanta tucui imalla nishcacunapish pajtachunmi, chashnaca tucurca. Illu chashna tucunataca, ñaupamanmari huillarcani— nircami.

Lucas 24:44 Iomraidhean Croise

GÉNESIS 14:18

Chaipica Salem pueblota jatun mandaj Melquisedec, jahua pachapi causaj Taita Diospajta ruraj curami tandatapish, vinotapish apamurca.

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

SALMOS 118:22

Huasita shayachijcuna yanganchishpa shitashca rumillatajmi, callaripi churana rumi tucushca.

ISAÍAS 28:16

Chaimantami Mandaj Jatun Diosca cashna nin: “Riquichij, ñucaca Sionpica, huasita callarinapajca shuj rumitami churarcani. Chaipica tucuimanta agllashca rumi, esquinapi churana rumi, achca valij rumi, pi mana cuyuchipaj rumitami churarcani. Maijanpish paipi crijca imata mana manchangachu.

ISAÍAS 52:13

Riqui ñucapajta rurajca tucuipi allimi ringa. Jatunyachishcami canga. Alli nishcami canga. Tucuicunapaj jahuaman churashcami canga.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 23:5

Mandaj Diosca cashnapishmi nin: “Shamuj punllacunapica, Davidpaj huahuapuramantami cashcata ruraj mandajta churasha. Paimi cai llajtata Jatun Mandaj canga. Paica cushicushpami cai llajtapica alli mandanga, tucuicunapajmi cashcata ruranga.

JEREMÍAS 33:14

Mandaj Diosca caitapishmi nin: “Israelcunapajpish, Judá runacunapajpish ñuca imalla allicunata rurashami nishcata rurashpataj ricuchina punllacuna pajtangatajmi.

EZEQUIEL 17:22

Mandaj Jatun Diosca cashnami nin: “Jatun cedro yura retoñacuj ñahuita p'itishpami, sumaj jatun urcu jahuapi tarpusha.

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

AMÓS 9:11

Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

ZACARÍAS 14:4

Chai punllapica paica, Olivos urcu jahuapimi shayaringa. Chai Olivos urcuca, Jerusalén ch'imbapuramantaca, inti llujshin ladomanmi tiyacun. Chai Olivos urcuca, inti llujshin ladomanpish, inti huashicun ladomanpishmi chaupiringa. Chai urcucuna chaupipica, jatun pugru pambami saquiringa. Chaupi urcuca ura ladomanmi tiyaringa, chaupi urcuca janaj ladomanmi tiyaringa.

ZACARÍAS 6:12

Chai q'uipaca, cashna ningui: Tucuita Mandaj Diosca cashnami nin: Retoñacuj yura shuti runaca, ñallami shamunga. Paica, quiquin sapillamantatajmi huiñanga. Paimi Mandaj Diospaj huasitaca shayachinga.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

NÚMEROS 21:8

Mandaj Diosca cashna nishpa cutichirca: –P'iña culebrata rurashpa, banderata churana caspi puntapi churai. Culebra canishca cajca, chaita ricushpa ama huañuchun chashna rurai– nirca.

NÚMEROS 35:25

Tandanacushca israelcunaca chashna rurashpa huañuchijtaca huañuchishcamanta paitapish huañuchisha nicujpaj maquimanta quishpichichun. Chai huañuchijtaca tandanacushca israelcunaca pai miticushpa tiyacushca llajtaman tigrachichun. Chai huañuchijca, Diospajlla aceitehuan churashpa curacunata mandaj cachun churashca cura huañungacama chai pueblollapitaj causachun.

Mateo 1:22

Tucui caicunaca, profetaman Jatun Dios cashna huillachishca pajtachunmi chashna tucurca:

Mateo 16:21

Chashna nishca pachamantami Jesusca, paipaj yachacujcunamanca cashna nishpa huillai callarirca: “Jerusalenmanca rinatajmi cani. Chaipica ancianocunapaj, curacunata mandajcunapaj, mandashcacunata quillcajcunapaj maquipi achca llaquita apashpa huañunami cani. Quimsa punllapica causarishcami cana cani” nircami.

Mateo 26:54

Chashna mitsarijpica, ¿ima shinataj Quillcachishcapi nishca shinaca pajtangari? Chaica pajtanatajmi can– nircami.

Mateo 26:56

Profetacuna Quillcashca pajtachunmi, tucui caicunaca pajtashca– nircami. Yachacujcunaca tucuicunami Jesusta saquishpa miticushpa rircacuna.

Marcos 9:31

Chaipimi paipaj yachacujcunamanca: –Runa Aichayujtaca gentecunapaj maquipi entregajpimi huañuchingacuna. Ashtahuanpish huañushcamanta quimsa punlla q'uipaca causaringallami– nishpami yachachirca.

Lucas 21:22

Chai punllacunaca mana cazushcamanta Taita Dios llaquichina punllami canga. Quillcachishcapi tucui nishcacunami chai punllapica pajtanga.

Lucas 22:37

Cancunaman huillanimi: Quillcachishcapica ñuca imalla tucunamantaca cashnami nicun: “Millaita rurajta shinallatajmi millaita rurajcunahuan chagrushca canga” nishcaca ñami pajtagrin. Chashna nishpa ñucamanta quillcashcaca pajtanatajmi– nircami.

Lucas 24:46

cashna nirca: –Quillcachishcapi nishca shinaca Cristoca llaquita apashpa, huañushpa, quimsa punllapica causarinami carca.

Lucas 9:22

cashnami nirca: –Runa Aichayujca achca llaquicunata apanatajmi. Cunaj yuyajcuna, curacunata pushajcuna, mandashcacunata quillcajcunapish p'iñashpami huañuchingacuna. Ashtahuanpish quimsa punllapica causachishcami canga– nircami.

Lucas 9:44

–Cai ñuca huillashcata alli uyaichij. Pajta cungaringuichijman. Runa Aichayujtaca gentecunapaj maquipimi entreganga– nirca.

Juan 3:14

Ima shinami shitashca pambapi Moisesca culebratajllata rurashpa caspipi jahuaman huarcurca. Chai shinallatajmi Runa Aichayujpish caspipi huarcushcataj cana can.

Juan 5:39

Quillcachishcacunata yachashpami huiñai causaita charishun yuyanguichijmi. Chai Quillcallatataj callarishpa alli ricuichij. Chai Quillcachishcacunaca ñucamantamari huillacun.

Juan 5:46

Moisesca ñucamantami quillcarca. Pai quillcashcata crishpaca, ñucatami cringuichijman.

Hechos 13:33

Chashna cusha nishcataca ñucanchij ñaupa yayacunapaj huahua huahua ñucanchijmanmi Jesusta causachishpa pai cusha nishcataca Taita Diosca pajtachishca. Q'uipa Salmopipish: “Canca ñuca Churimi cangui. Cunanmi canmanca causaita cuni” nishpa quillcashcami tiyacun.

Hechos 13:40

Chaimanta alli yuyarichij, profetacunata Taita Dios Quillcachishcapi nishcacunaca, ñataj cancunapaj jahua canman. Chaipica cashnami nin:

Hechos 2:27

Ñuca almataca Hadespi mana saquinguichu. Jucha illaj cambaj runataca ismuchun mana saquinguichu.

Hechos 3:18

“Cristoca jatun llaquita apangami” nishpa profetacunata ñaupaman pai huillashcatami Taita Diosca pajtachishca.

Hechos 7:37

Chai Moisesmi israelcunataca: “Cancunata Mandaj Taita Diosca ñucata cachashca shinallatajmi, cancunapuramanta shuj profetata cachanga. Pai ima nishcata cazunguichij” nircami.

Hebreos 10:1

Mandashcaca, q'uipata shamuna allicunata ricuchij llandu shinallami. Mana chai shamuna cashca shinatajchu. Mandashcapi nishca shina huatanta chai shinallataj sacrificiocunata Diosman cungapaj c'uchuyajcunataca manataj ima juchachina illajllataca rurai tucunchu.

Hebreos 3:5

Moisesca Diospajta ruraj cashpami, Diospaj huasi ucupi imalla rurana cashcataca tucuita alli pajtachijtaj carca. Paica q'uipata Dios imallata rimana cashcata ricuchingapajmi chashna rurarca.

Hebreos 7:1

Cai Melquisedecca, Salem llajtata jatun mandaj, jahua pacha Diospaj curapishmi carca. Macanacuipi jatun mandajcunata mishashpa Abraham tigramucujpi tupagrishpaca, Dios allicunata cuchun nircami.

Hebreos 9:8

Chashna cajpimi Diospaj carpa huasi punta ucu tiyacujpirajca, Diospajlla ashtahuan ch'icanchishca caishuj ucuman yaicuna ñanca manaraj tiyashcata Jucha illaj Espirituca yachachin.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).