Lucas 24:39 - Dios Rimashca Shimicunami

³⁹ Ñuca maquita, ñuca chaquita japishpa ricuichij ñucallatajmi cani. Ayaca mana aichayuj, mana tulluyujchu. Cancuna ricushca shina, ñucaca aichayuj, tulluyujmi cani– nircami.

Mushuj Testamento Diospaj Shimi

³⁹ Ñuca maquita, Ñuca chaquita japishpa ricuichigari, Ñucallatajmari cani. ¿Maitataj ayaca aichata, tullutaca charingari? Ñucaca cancuna ricucuj shinallataj aichayuj, tulluyujmari cani— nircami.

Lucas 24:39 Iomraidhean Croise

ECLESIASTÉS 12:7

Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.

NÚMEROS 16:22

Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

Lucas 23:46

Jesusca sinchita caparishpami: –Yayitu, cambaj maquipimi ñuca espirituta mingani– nishpaca huañurcallami.

Lucas 24:38

Chaimi Jesusca cashna nirca: –¿Ima nishpataj mancharinguichij? ¿Ima nishpataj cancunapaj shungupica caita chaita yuyacunguichij?

Lucas 24:40

Shina nishpaca maquita, chaquitapishmi ricuchirca.

Juan 20:20

Chashna nishpaca paipaj maquicunata, costillatapishmi ricuchirca. Yachacujcuna Mandaj Jesusta ricushpaca, yallitajmi cushicurcacuna.

Juan 20:25

Tomás chayamujpica caishuj yachacujcunaca: –Mandaj Jesustami ricurcanchij– nijpimi paica: –Paipaj maquicunapi clavocuna jutcushcata mana ricushpa, ñuca dedota clavocuna jutcushcapi mana satishpa, paipaj costillapi ñuca maqui dedota mana satishpaca, mana crishachu– nirca.

Juan 20:27

Chaipimi Jesusca Tomastaca: –Cambaj dedota ñuca maqui chugripi churashpa ricui. Cambaj maquita chutashpa, ñuca costillas quinripi sati. Ama mana crij caichu, ashtahuanpish crij cairi– nijpimi,

Hechos 1:3

Paicunamanmi Jesusca huañushca q'uipaca chuscu chunga punllacama pai causaj cashcata alli yachachun cutin cutin ricurirca. Chaipica Taita Dios mandacujpica ima shina cana cashcatami yachachirca.

1 Tesalonicenses 5:23

Sumaj causaita cuj Taita Diosllataj cancunapaj espiritutapish, almatapish, cuerpotapish tucui mapa illajlla tucungacama chuyayachishpa ñucanchijta Mandaj Jesucristo shamunapajca, pi mana juchachipajta huaquichishca cachun.

Hebreos 12:9

Ñucanchij mana allita rurajpi ñucanchij yayacuna ima shinapish llaquichijpica, paicunataca allimi cazurcanchij. Shina cajpica, causaita cuj jahua pachapi caj Yayatacarin chaita yallitamari cazuna canchij. Chashna cashpami, causaita charishun.

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.