Lucas 24:36 - Dios Rimashca Shimicunami

³⁶ Chaicunamanta paicuna parlanacucujpirajmi, Jesusca ñapish paicunapaj chaupipi ricurishpaca: –¡Sumaj causai cancunahuan cachun!– nirca.

Mushuj Testamento Diospaj Shimi

³⁶ Jesusta ricushcata caishuj chaishuj parlanacucujpirajmi, Jesusca ñapish paicunapaj chaupipi ricurirca. Chaipi ricurishpaca: —Ama manchaichijchu— nirca.

Lucas 24:36 Iomraidhean Croise

ISAÍAS 57:18

Paicuna ima shinalla ruracujta ima shinalla puricujta ricunimi. Chashna cajpipish ñallami alliyachisha. Ñallami michisha. Paimanpish, paihuan llaquilla cajcunamanpish cushicuita cushami.

Mateo 10:13

Sumaj causai cancunahuan cachun nishcata chasquinalla cashpa huasiyuj alli chasquijpica, chashna nishcaca paicunahuanmi saquiringa. Ashtahuanpish chasquinapaj mana cashpa mana chasquijpica cancunapajllamantajmi tigranga.

Marcos 16:14

Chai q'uipaca paipaj yachacujcuna micucujpimi chunga shuj yachacujcunamantaj ricurirca. Chaipimi Jesusca: –Ñuca causarishcata ricujcuna huillajpipish rumi shungu cashpami mana crircanguichij– nishpami sinchita rimarca.

Lucas 10:5

Maijan huasiman yaicushpaca: “Cai huasipica, sumaj causai tiyashca cachun” ninguichijraj.

Juan 14:27

Cancunamanca ñuca sumaj causaitami cuni, sumajta causachunmi chaitaca saquini. Cai pachapaj cajcuna cushca shinaca mana cunichu. Chaimanta cancunapaj shungupica ama musparinguichijchu, ama mancharinguichijchu.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 20:26

Pusaj punlla q'uipami, cutin chai yachacujcunaca, Tomasndij huasi pungucunata huichcarishca tiyacurcacuna. Jesusca pungucuna huichcashca cajllapitaj yaicushpa paicunapaj chaupipi shayarishpaca: –¡Sumaj causai cancunahuan cachun!– nirca.

Hechos 1:3

Paicunamanmi Jesusca huañushca q'uipaca chuscu chunga punllacama pai causaj cashcata alli yachachun cutin cutin ricurirca. Chaipica Taita Dios mandacujpica ima shina cana cashcatami yachachirca.

1 Corintios 15:5

Causarishpaca Cefasmanrajmi ricurirca, chai q'uipaca chunga ishquicunamanmi ricurirca.

1 Corintios 15:7

Chai q'uipaca Jacoboman, chai q'uipaca tucui apostolcunamanpishmi ricurirca.

2 Tesalonicenses 3:16

Sumaj causaita cuj Mandaj Jesusllataj cancunamanca, tucuipi sumaj causaita cushpa caticuchunlla. Mandaj Jesusca tucui cancunahuan cachun.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.