Lucas 24:34 - Dios Rimashca Shimicunami

³⁴ Chaipi cajcunaca: –Mandaj Jesusca causarishcatajmari, Simonmanmari ricurishca– nircacunami.

Mushuj Testamento Diospaj Shimi

³⁴ Tucui paicunami: «Apunchij Jesusca causarishcatajmari. Simonmari Paitaca ricushca» nircacunami.

Lucas 24:34 Iomraidhean Croise

Marcos 16:7

Paipaj yachacujcunamanpish, Pedromanpish huillagrichij. Cancunapaj ñaupami Galileaman ña rirca. Chaipimi pai nishca shinallataj ricunguichij– nircami.

Lucas 24:6

Paica mana caipichu, ashtahuanpish causarircamari. Galileapi cashparaj, pai imata nishcata yuyarichigari.

Lucas 7:13

Mandaj Jesusca chai viudata ricushpa llaquishpami: –Ama huacaichu– nirca.

Lucas 7:19

“¿Canchu chai shamuna cashcaca cangui, mana cashpaca shujtajtachu shuyana canchij?” nishpa tapugrichun Jesuspajman cacharca.

Hechos 1:3

Paicunamanmi Jesusca huañushca q'uipaca chuscu chunga punllacama pai causaj cashcata alli yachachun cutin cutin ricurirca. Chaipica Taita Dios mandacujpica ima shina cana cashcatami yachachirca.

1 Corintios 15:5

Causarishpaca Cefasmanrajmi ricurirca, chai q'uipaca chunga ishquicunamanmi ricurirca.